දිවයිනේ විවිධ ප්‍රදේශවල මේ දිනවල පැවැත්වෙන මහජන පෙළපාලි සහ විරෝධතාවලට ළමයින් යොදා ගැනීමෙන් වළකින ලෙස ජාතික ළමා ආරක්ෂක අධිකාරිය සියලු පාර්ශවයන්ගෙන් ඉල්ලීමක් සිදු කර තිබේ.
මෙවැනි මහජන උද්ඝෝෂණ සහ විරෝධතා පෙළපාලි අතරතුර පැනනැගුණු නොසන්සුන්කාරී තත්වයන් සහ ගැටුම් හේතුවෙන් විවිධ පාර්ශවයන් හට පීඩා සිදු වූ අතර එවැනි අවස්ථාවන් සඳහා ළමුන් සහභාගී කර ගැනීම හේතුවෙන් ඔවුන් අනතුරුවලට හෝ කායික සහ මානසික පීඩාවලට ලක්වීමේ අවදානමක් පවතින බව ඔවුන් සඳහන් කරයි.
1991 වර්ෂයේදී ශ්‍රී ලංකා රජය, එක්සත් ජාතීන්ගේ ළමා අයිතිවාසිකම් පිළිබඳ ප්‍රඥප්තියට අත්සන් තබා එහි පාර්ශවකරුවෙකු බවට පත්ව ඇති අතර එම ප්‍රඥප්තියේ 3වන වගන්තිය මගින් දක්වා ඇත්තේ දෙමව්පියන් සහ භාරකරුවන් ඇතුලු සියළු පාර්ශවයන් ළමයින්ගේ ආරක්ෂාව තහවුරුකොට ඔවුන්ගේ උපරිම යහපත සැලසීමට බැඳී සිටින බවයි.