Colombo Today Local News

එජාපය එකට එක කරයි.. විශ්වාසභංගයට පෙර, විධායක ජනපති ධුරය අහෝසි කරන යෝජනාව පාර්ලිමේන්තුවට

ඒකාබද්ධ විපක්ෂය හා ශ්‍රී ලංකා නිදහස් පක්ෂය එකතු වී අග්‍රාමාත්‍ය රනිල් වික්‍රමසිංහ මහතාට එරෙහිව ගෙන එන්නට යන විශ්වාසභංග යෝජනාවට ප්‍රතිචාර ලෙස එ.ජා.ප.යෙන් විධායක ජනාධිපති ධුරය අහෝසි කිරීම සඳහා පාර්ලිමේන්තුවට යෝජනාවක් ගෙන ඒමට සැරසෙන බව වාර්තා වෙයි.

එ.ජා.ප.ය සහ ශ්‍රීල.නි.ප.ය අතර පවත්නා සීතල යුද්ධයේ ප්‍රතිඵලයක් ලෙස මෙම යෝජනා දෙක එකවර කරළියට ගෙන එනු ඇතැයි දැනගන්නට තිබේ.

ඒකාබද්ධය හා ශ්‍රීල.නි.ප.ය අගමැතිවරයාට එරෙහිව ගෙන එන්නට සැලසුම් කෙරෙන විශ්වාසභංගයට ශ්‍රීල.නි.ප. ජ්‍යෙෂ්ඨයන් 4 දෙනකු හැර අන් සියලු මන්ත්‍රීන් අත්සන් කිරීමට දැනටමත් ප්‍රතිඥා දී ඇති අතර ඇතැමුන් අත්සන් කර ඇති බවද කියැවේ. මෙයට එ.ජා.ප. රජයට සම්බන්ධ වී සිටින පක්ෂයක හා සංවිධානයකට සම්බන්ධ මන්ත්‍රීන් කිහිප දෙනකුද අත්සන් කරනු ඇතැයි ඒකාබද්ධ විපක්ෂ ජ්‍යෙෂ්ඨයෙක් දේශයට කීය. පසුගිය සිකුරදා දහවල් පාර්ලිමේන්තුවට රැස්වු ඒකාබද්ධ විපක්ෂ මන්ත්‍රීහු සුබනැකතින් විශ්වාසභංගයට අත්සන් තැබීම අැරඹුහ.

මේ ආකාරයට විශ්වාසභංගය පෙළගැසෙද්දී එ.ජා.ප. දේශපාලන උපදේශකයන්ගේ උපදෙස් මත විධායක ජනාධිපති ධුරය අහෝසි කළ යුතු බවට වන ව්‍යවස්ථා සංශෝධන යෝජනාවක් කඩිනමින් කෙටුම්පත් කොට මැතිසබයට ඉදිරිපත් කිරීමට සැලැසුම් කර ඇත. එවිට විධායක ජනාධිපති ධුරය අහෝසි කිරීමේ ප්‍රතිඥාව ලබාදී බලයට පත් මෛත්‍රීපාල සිරිසේන මහතා මෙන්ම ඊට සහාය දුන් ජනතා විමුක්ති පෙරමුණ සහ දෙමළ සන්ධානය ඇතුළු පක්ෂවලට උදව් දීමට සිදුවනු ඇත යන්න එ.ජා.ප.යේ මතයයි. එසේම නැවත බලයට පත්වීමේ අපේක්ෂාවෙන් සිටින මහින්ද රාජපක්ෂ මහතාට අගමැති ධුරයට තරග කිරීමට විධායක ජනාධිපති ධුරය අහෝසි වීමෙන් වාසියක් සැලසෙන නිසා ඒකාබද්ධ විපක්ෂයද ඊට සහාය දෙනු ඇතැයි එ.ජා.ප.ය අපේක්ෂා කරයි.

මේ නිසා විශ්වාසභංගය හා සමගාමීව විධායක ජනාධිපති ධුරය අහෝසි කරන යෝජනාව ළඟදී කරළියට ගෙනඑනු ලබන බව ඉතා විශ්වාස කටයුතු ඉහළ පෙළේ ආරංචි මාර්ග කියයි.

– Deshaya

Related posts

උසාවි නියෝග නොතකා යාපනේ විරෝධතා.. විරෝධතාකරුවෝ ජනපති වටකරගනී (Video)

colombotoday

“දූෂකයන්ගේ පුරුෂ ශක්තිය සිදින” වාසුගේ යෝජනාව ඉන්දීය අධිකරණයකින් ස්ථීර කරයි

colombotoday

පුංචි ඡන්දයට ජවිපෙ නෑ ! නව ඡන්ද ක්‍රමය ගේන්නේ අපිව දේශපාලනයෙන් ඉවත් කරන්නයි

colombotoday

රාජිතට හොදම ස්ථානය බන්ධනාගාරයේ පිහිටි නිරෝධායන මධ්‍යස්ථානයයි.

colombotoday

දිස්ත්‍රික්ක 7ක ප්‍රා.ලේ. කොට්ඨාස 29ක නායයෑමේ අවදානමක්

Admin

මාධ්‍යවේදීන්ගෙන් ප්‍රශ්න කිරීම ගැන පරීක්ෂණයක්. සුදුළුනු පරීක්ෂණය අපරාධ පරීක්ෂණ දෙපාර්තමේන්තුවට. – ඇමති වීරසේකර නියෝග කරයි.

colombotoday