Colombo Today Local News

වතු වගාව විනාශයි – වතු කම්කරු සංගමය

බ්‍රිතාන්‍යන් සාර්ථකව පවත්වාගෙන ආ මෙරට වතු වගාව පෝෂණය කිරීමට තරම් සවියක් ඇති පාලනයක් මෙරට බිහිව නැති බවත් මේ වනවිට මෙරට වතුකර්මාන්තය මුළුමනින්ම පරිහානියකට ලක්ව තිබෙන බවත් සමස්ථ ලංකා වතු කම්කරු සංගමය පවසයි.

මෙලෙස වතු වගාව පරිහානියට ලක්ව තිබීම හේතුවෙන් නුදුරු අනාගතයේදී තේ රබර් ආදී වැවිළි ද්‍රව්‍ය විදේශයෙන් අපනයනය කිරීමට සිදුවනු ඇතැයි එම සංගමයේ ප්‍රධාන ලේකම් ජේ.එම්.ඒ.ප්‍රේමරත්න මහතා කියයි.

ලොව අංක එකේ පැවති ශ්‍රී ලංකාවේ තේ, රබර් සහ කුරුදු වගාවන් මෙලෙස පරිහානියට ලක්ව ඇත්තේ පාලකයින්ගේ දුර්වලතාව නිසා බවත් කම්කරුවන් වෙනුවෙන් අවබෝධතා ගිවිසුම්වලට අත්සන් කරන වෘත්තීය සමිති පවා මීට වගකිව යුතු බවත් ඒ මහතා ප්‍රකාශ කරයි.

ඉකුත් ඔක්තෝබර් මාසයේදී අත්සන් කළ සාමූහික ගිවිසුමෙන් වතුකම්කරුවෙකුගේ වැටුප රුපියල් 110කින් පමණක් වැඩිවී තිබෙන බවත් මේ අනුව කම්කරුවෙකුගේ දෛනික වැටුප රුපියල් 730ක් පමණ වූ බවත් ඒ මහතා කියයි.

එවන් වැටුපකින් ජීවත් වීමට නොහැකි නිසා වතු කර්මාන්තය අතහැර වෙනත් රැකියාවන්ට බොහෝ අය යොමුව තිබෙන බවද ප්‍රේමරත්න මහතා පවසයි.

Related posts

අපි යන්නෙත් පහුගිය ආණ්ඩුව ගිය පාරෙමයි

Admin

මගේ පාලනයක් තුළ වංචා දූෂණ කරන කොමිස් ගහන පුද්ගලයන්ට දැඩි දඬුවම් දෙනවා – මහින්ද රාජපක්ෂ

colombotoday

2023 බ්‍රිතාන්‍යයේ වෙළෙඳ යෝජනා ක්‍රමයට ශ්‍රී ලංකාවත් ඇතුළත් කෙරේ

colombotoday

සාක්ෂි ප්‍රමාණවත් නෑ.. ජනපති ඝාතන කුමන්ත්‍රණ චෝදනාවෙන් ඉන්දීය ජාතිකයා නිදහස්

colombotoday

කඩු 6,000ක් ආනයනය කිරීමේ සිදුවීම සම්බන්ධයෙන් විමර්ශනයක් ඉල්ලා කාදිනල් තුමන් ගොනුකළ පෙත්සම කැඳවන්න නියෝග

colombotoday

රටේ එලවලු පලතුරු අවශ්‍යතා නිල වශයෙන් හදුනාගැනිමට සංගණනයක්

colombotoday