ජල ගැලීම් නිසා ආපදාවට ලක්වූ සහෝදර ජනතාවට වෙත දිවයින පුරා පරිත්‍යාගශීලින් විසින් එකතුකළ ආහාර ද්‍රව්‍ය ඇතුළු සහනාධාර දිගින් දිගටම ලැබෙමින් පැවතෙන අතර එම ආධාර ද්‍රව්‍ය ආපදාවට ලක්වූවන්ට බෙදා දීම සදහා රජය ක්‍රියාත්මක කරන වැඩපිළිවෙලෙහි අධික ලෙස දූෂණ අක්‍රමිකතා සිදුවන බවට චෝදනා එල්ලවෙමින් පවතිනවා. මේ හේතුවෙත් සහනාධාර ලැබිය යුත්තන්ට නොලැබී රජයේ නිලධාරීන්ගේ සාක්කුවට යන බවයි සදහන් වන්නේ.
ආධාර ලබා දීම සදහා තනි කණ්ඩායම් වශයෙන් නොයන ලෙසත් ප්‍රාදේශීය ලේකම් කාර්යාල හරහා ක්‍රියාත්මක කරන සහනාධාර වැඩපිළිවෙල සදහා එම ආධාර ද්‍රව්‍ය ගෙනැවිත් බාරදෙන ලෙස රජය නිවේදනය කර තිබෙනවා.
අදාළ වැඩපිළිවෙලෙහි සිදුවන දූෂණ පිළිබදව සමාජ ජාලා ඔස්සේ උදාහරණ සහිතවම අදහස් දක්වා ඇති පරිත්‍යාගශීලීන් සදහන් කරන්නේ එම ආධාර ද්‍රව්‍ය වලින් වැඩි ප්‍රමාණයක් ප්‍රාදේශීය ලේකම් කාර්යාල නිලධාරීන් විසින් ගසා කන බවත්, ආපදාවට ලක්වූවන්ට ලැබෙන්නේ සොච්චමක් පමණක් බවත්ය.
මේ අතර රට පුරා පරිත්‍යාගශීලීන් විසින් ගෙනැවිත් භාරදෙන ද්‍රව්‍ය රජයේ දේශපාලකයන් විසින් තමන්ගේ පෞද්ගලික ආධාර ලෙස ජනතාවට බෙදා දෙමින් සිටින බවද චෝදනා එල්ලවන අතර කොළඹ දිස්ත්‍රික්කය නියෝජනය කරන රජයේ නියෝජ්‍ය ඇමතිවරයෙක් තමන්ගේ රුව සහිත ලේබල් අලවා ආධාර පාර්සල් බෙදා දී ඇති බවද සදහන් වනවා.
මේ හේතුවෙන් බොහොමයක් පිරිස් ඉල්ලා තිබෙන්නේ සහනාධාර ආරක්ෂක අංශ වලට මිස ප්‍රාදේශීය ලේකම් කාර්යාල වෙත ලබා නොදෙන ලෙසයි.
එවැනි එක් සිදුවීමක් සම්බන්ධයෙන් රංගන ශිල්පී කාංචන කොඩිතුවක්කු මහතා සිය ෆේස්බුක් ගිණුමේ මෙලෙස සදහන් කර තිබුණා
