රාජකීය විදුහල හා ගල්කිස්සේ ශාන්ත තෝමස් විදුහල අතර පසුගිය 18 වනදා එස්.එස්.සි. ක්‍රීඩාංගනයේ පැවති සීමිත පන්දුවාර තරඟ අතරතුරදී තරඟ සංවිධාන කමිටුවේ සාමාජිකයකු වන සජිත් කුලරත්න විසින් සිසුවකුට මාරාන්තික පහරදීමක් සිදුකර ඇති අතර සිසුවා ආසිරි ශල්‍ය රෝහලට ඇතුලත් කරනු ලැබුවා.
නමුත් පහරදුන් පුද්ගලයාට විරුද්ධව නිතිය ක්‍රියාත්මක නොවුණු අතර අන්තර්ජාල මාධ්‍ය දිගින් දිගටම වාර්තාකිරීම සහ පහරකෑමට ලක්වූ පුද්ගලයාගේ මව පොලිස්පතිවරයාට පැමිණිලි කිරීම හේතුවෙන් පසුගිය බදාදා (22) පහරදුන් පුද්ගලයා අධිකරණයට ඉදිරිපත් කිරීමට පොලිසිය පියවර ගත් නමුත්, ඔහුගේ දේශපාලන හිතවත්කම් හේතුවෙන් ක්‍ෂණික ඇප ලබාදීමට අවශ්‍ය වටපිටාව පොලිසිය සකසා දී ඇත. ඒ අනුව රුපියල් 50 000ක ශරීර ඇප මත සිසුවා රෝහල්ගතව ප්‍රතිකාර ලබන අවස්ථාවක සජිත් කුලරත්නට නිදහස හිමි විය.