පළාත් පාලන මැතිවරණයේදී දකුණේ බහුතරය හිටපු ජනාධිපති මහින්ද රාජපක්ෂ මහතාට හිමිවී තිබිම නිසා යෝජිත නව ව්‍යවස්ථාව අතරමග නතර කළ යුතු තත්ත්වයක් උද්ගත වී ඇතැයි දෙමළ ජාතික සන්ධානයේ පාර්ලිමේන්තු මන්ත්‍රී එම්. ඒ. සුමන්දිරන් මහතා සඳහන් කර ඇත.
පෙරේදා (11) යාපනයේදී මාධ්‍ය හමුවක් කැඳවමින් ඔහු මේ බව සඳහන් කර ඇත.
මෙවර පළාත් පාලන මැතිවරණයේදී උතුරේ දෙමළ ජනතාව ඡන්දය පාවිච්චි කළේ යෝජිත ආණ්ඩුක්‍රම ව්‍යවස්ථාව සඳහා වූ අතුරු ව්‍යවස්ථාව ප්‍රතික්ෂේප කිරීමටයි. නමුත් දැන් දකුණේ බලය මහින්ද රාජපක්ෂ මහතාට හිමිවී තිබෙනවා.
මේ නිසා දෙමළ ජනතාවට පෙඩරල් පාලනය සිහිනයක් වන්නට පුළුවන්. ඒ නිසා උතුරේ සියලු දෙමළ සංවිධාන ප්‍රතිපත්තිමය වශයෙන් ඒකාබද්ධ වී කටයුතු කිරීමේ අවශ්‍යතාව මතුව ඇති බවද මන්ත්‍රීවරයා මෙම මාධ්‍ය හමුවේදී පෙන්වා දී ඇත.
Lakbima