ශ්‍රී ලංකා මහ බැංකුවේ බැඳුම්කර ගනුදෙනුව ගැන එල්ල වන චෝදනා සම්බන්ධයෙන් විමර්ශනය කර ඊට අදාල නීතිමය ක්‍රියාමාර්ග ගැනීම සඳහා විශේෂ ජනාධිපති කොමිසමක් පත් කිරීමට ජනාධිපති මෛත්‍රීපාල සිරිසේන මහතා නීතිපතිවරයාට උපදෙස් දී ඇතැයි රජයේ ආරංචි මාර්ග වලින් කියැවේ.
ශ්‍රේෂ්ඨාධිකරණ විනිසුරුවරයෙකු, මහාධිකරණ විනිසුරුවරයකු සහ විගණන විශේෂඥයකු මෙම ජනාධිපති කොමිෂන් සභාවට පත් කිරීමට නියමිතය.
එම ගැසට් නිවේදනය මේ සතියේ නිකුත් කරන බව ජනාධිපති ලේකම් කාර්යාලය කියයි. කොමිෂන් සභා වාර්තාව මාස තුනක් ඇතුළත සම්පූර්ණ කර අවසන් කරන ලෙස ජනාධිපතිවරයා උපදෙස් දී ඇතැයිද කියැවේ.