පෙබරවාරි දහ වැනිදා පැවැත්වෙන් පළාත්පාලන මැතිවරණයෙන් ස්ථීර වශයෙන්ම ජය ගනු ලබන්නේ ශ්රී ලංකා පොදුජන පෙරමුණ යැයි ජෝතිෂවේදී විජිත රෝහණ විජයමුණි මහතා අනාවැකියක් පළකරයි.
එම මැතිවරණයේදී රට පුරා මහ නගරසභා, සහ ප්රාදේශීය සභාවන් වැඩි ප‍්‍රමාණයක් ශ්රී ලංකා පොදුජන පෙරමුණ විසින් දිනා ගන්නා බවත් දෙවන ස්ථාවයට පත් වන්නේ මහ නගර සභා, නගර සභා, ප්රාදේශීය සභාවන් යම් ප‍්‍රමාණයක් දිනා ගන්නා එක්සත් ජාතික පක්‍ෂය බවත් ඔහු සදහන් කරයි.
මෙම මැතිවරණයේදී ජනාධිපති මෛත්රීපාල සිරිසේන මහතා නායකත්වය දෙන එක්සත් ජනතා නිදහස් සන්ධානය හෝ ශ්රී ලංකා නිදහස් පක්‍ෂය ලංකාවෙන් එකම පළාත් පාලන ආයතනයක්වත් දිනා නොගන්නා බවද ඔහු වැඩි දුරටත් අනාවැකි පල කරයි.
ජනාධිපති මෛත්රීපාල සිරිසේන මහතා මිය යන්නේ යැයි දින වකවානු සහිතව අනාවැකියක් කීම හේතුවෙන් ඔහුට එරෙහිව නඩුවක්ද විභාග වේ. කේසේ නමුත් විජිත රෝහණ මහතා කියා සිටින්නේ තමන් එවැනි අනාවැකියක් පළ කළේ ජනාධිපතිවරයා බිය ගන්වා ගව ඝාතනය නතර කරගැනීමට බවයි.