ඉන්දියාව විසින් අමෙරිකානු ඩොලර් බිලියන දෙකක මුල්‍ය ආධාරයක් ශ්‍රී ලංකාවට ලබාදීමට කැමැත්ත පළකර තිබේ.
ඉන්දීය රජයේ ආරංචි මාර්ග උපුටා දක්වමින් රොයිටර් පුවත් සේවය පෙන්වාදෙන්නේ ඒ සම්බන්ධයෙන් ශ්‍රී ලංකාව සමග විවිධ සාකච්ඡා මේ වන විටත් පවත්වා ඇති බවය.
ණය ගෙවීම් පැහැර හැරීම් පිළිබඳව ශ්‍රී ලංකාව පසුගියදා ගනු ලැබු තීරණය සම්බන්ධයෙන් කනස්සල්ල පළකරන නමුත් තවදුරටත් ඔවුන්ට සහාය ලබාදීමට පියවර ගන්නා බව ඉන්දීය රජය ප්‍රකාශ කර තිබේ.
ඉන්දියාව මේ වන විටත් ශ්‍රී ලංකාවට අමෙරිකානු ඩොලර් බිලියන 1.9 ණය මුදලක් ලබා දී ඇති අතර ඉන්ධන සඳහා ද අමතර ඩොලර් මිලියන 500ක ණය මුදලක් ලබා දී ඇති බව වාර්තා වෙයි.
ශ්‍රී ලංකාවට ණය ලබාදීමේ දී චීනයට වඩා පෙරමුණ ගැනීමට අපේක්ෂා කරන බව ද ඉන්දීය රජය ප්‍රකාශ කර ඇති බව රොයිටර් පුවත් සේවය වාර්තා කරයි.