සාම්පුර් සූඩකුඩා ප්‍රදේශයේ පුරාවිද්‍යා ගවේෂණයේදි සොයාගත් දාගැබ ඩෝසර් කිරිමට යොදාගත් ඩෝසරය හා එය සැගවීමට එම ඩෝසරය පටවාගෙන ගිය ලොරිය සොයා ගැනිමට හැකිවී තිබෙනවා.
දාගැබ ඩෝසර් කළ එහි ක්‍රියාකරු ඉකුත් 26දා හලාවත ප්‍රදේශයේදි රිය අනතුරකට ලක්ව රෝහල්ගත කිරිමෙන් පසු ඔහුගේ තත්වය බරපතල බැවින් කොළඹ ජාතික රෝහලට මාරුකර යවා ඇති අතර ඩෝසර් යන්ත්‍රය සැගවිමට එය පටවාගෙන ගිය ලොරි රථයේ රියදුරු එදිනම මුතුර් තෝපුර් ප්‍රදේශයේදි යතුරුපැදියෙන් ඇදවැටි මුතුර් රෝහලට ඇතුලත් කිරිමෙන් පසු ත්‍රිකුණාමලය රෝහලට ඇතුලත් කර ඇත.
මුතුර් සහාකර පොලිස් අධිකාරි බුද්ධික මනතුංග ප්‍රමුඛ පොලිස් කණ්ඩායමක් දින ගණනාවක් පරික්ෂණ පවත්වා ලබා ගත් අධිකරණ නියෝග හා විද්‍යාත්මක සාක්ෂි පදනම් කරගෙන ඩෝසරය හා ලොරිය අත්අඩංගුවට ගනු ලැබිණි.
ඩෝසරය සේරුනුවර පොලිස් වසමට අයත් රිච්චලම්පත්තු ප්‍රදේශයේ සගවා තිබියදි අත් අඩංගුවට ගත් අතර ලොරිය තෝපුර් ප්‍රදේශයේදි අත්අඩංගුවට ගෙන තිබෙනවා.
ඡායාරූප – නෙත් නිව්ස්