ගම්පහ දිස්ත්‍රික් එක්සත් ජනතා නිදහස් සන්ධාන පාර්ලිමේන්තු මන්ත්‍රී නිමල් ලන්සා මහතා ඒකාබද්ධ විපක්ෂය සමග එක්වන බව අද (28දා) ප්‍රකාශ කළේය.
මාධ්‍ය හමුවක් කැඳවමින් ඒ මහතා වැඩිදුරටත් සඳහන් කළේ, හිටපු ජනාධිපති මහින්ද රාජපක්ෂ මහතා නායකත්වය ලබාදෙන ඒකාබද්ධ පොදුජන පෙරමුණ ජයග්‍රහණය කරවීම සඳහා උපරිම දායකත්වය ලබා දෙන බවයි.
මේ අතර ඒකාබද්ධ විපක්ෂය නියෝජනය කළ දෙදෙනෙක් අද ශ්‍රී ලංකා නිදහස් පක්ෂයට එක්විය. ඒ මහජන එක්සත් පෙරමුණේ ප්‍රචාරක ලේකම් සෝමවීර චන්ද්‍රසිරි මහතා සහ ජාතික නිදහස් පෙරමුණේ නියෝජ්‍ය ලේකම් නිමල් ප්‍රේමවංශ යන අයයි.