මෙරට සංචාරයක නිරත ඉන්දීය විදේශ ලේකම් ශ්රී හර්ෂ් වර්ධන් ෂ්‍රිංග්ලා මහතා අග්‍රාමාත්‍ය මහින්ද රාජපක්ෂ මහතා හමුවී තිබේ.
පසුගිය 2 වනදා රාත්‍රී දිවයිනට පැමිණි විදේශ ලේකම්වරයා ඊයේ (03) පෙරවරුවේ මහනුවරට ගොස් දළඳා සමිඳුන් වැඳපුදා ගත් අතර පසුව ත්‍රිකුණාමලය තෙල් ටැංකි සංකීර්ණයේ ද නිරීක්ෂණ චාරිකාවක නිරත විය.
ත්‍රිකුණාමලයේ සංචාරයෙන් අනතුරුව විදේශ ලේකම්වරයා පිටත්ව ගියේ, යාපනයේ ද සංචාරයක් සඳහායි.
විදේශ කටයුතු අමාත්‍යාංශයේ ලේකම් අද්මිරාල් මහාචාර්ය ජයනාත් කොළඹගේ මහතාගේ ආරාධනයකට අනුව මෙරටට පැමිණි ඉන්දීය විදේශ ලේකම්වරයා අග්‍රාමාත්‍යවරයාට අමතරව ජනාධිපති ගෝඨාභය රාජපක්ෂ හා මුදල් අමාත්‍ය බැසිල් රාජපක්ෂ යන මහත්වරුන් ද හමුවීමට නියමිතය.