යාපනය විශ්වවිද්‍යාලයේ වව්නියාව මණ්ඩපය තුළ කොටි නායක වේළුපිල්ලේ ප්‍රභාකරන්ගේ උපන් දිනය සැමරීමට ගිය අවස්ථාවේදී සිංහල සහ දෙමළ සිසුන් අතර නොසන්ස්කාරී තත්ත්වයක් හටගෙන තිබෙනවා.
නොවැම්බර් 26 රාත්‍රි 7ට පමණ සිංහල සිසුන් බහුතරයක් සිටින නේවාසිකාගාර තුළ, දෙමළ සිසුන් ප්‍රභාකරන්ගේ උපන් දිනය සැමරීමට උත්සාහා කිරීමත් සමග මෙම තත්වය හටගෙන ඇති අතර, ගැටුම දුරදිග යාමෙන් සිංහල සිසුන්ට නේවාසිකාගාරය තුළ සිටීමට නොහැකි තත්ත්වයක් උද්ගත වූ බව එම සිසුන් පවසයි.
ආරක්ෂාවට තර්ජන එල්ල වීම නිසා සිංහල සිසුන් එම නේවාසිකාගාරවලින් ඉවත්වී වව්නියාව නගරයේ මල්වත්ත පාරේ පිහිටි විශ්ව විද්‍යාල පරිපාලන කාර්යාලය වෙත පැමිණියද පාලන නිලධාරීන්ගේන් ඔවුන්ට සහනයක් සැලසී නොමැති බවද පැවසෙනවා.
මේ අතර වේළුපිල්ලේ ප්‍රභාකරන්ගේ රුව සහිත පෝස්ටර් යාපනය සරසවියේ ගොඩනැගිලිවල ප්‍රදර්ශනය කර ඇති අතර, සිසුන් විසින් කේක් කපා ඔහුගේ උපන්දිනය සමරා තිබෙන බව දෙමළ මාධ්‍ය වෙබ් අඩවි වාර්තා කර තිබෙනවා.
