මහබැංකු බැදුම්කර වංචාව පිළිබදව විමර්ශනය කරන ජනාධිපති කොමිසමට අද (20) කැදවූ අගමැතිවරයාගෙන් කොමිසම විනාඩි 90ක් පමණ ප්‍රශ්න කළේය.
කොමිසමෙන් පිටව යන අවස්ථවේ මාධ්‍ය හමුවේ අදහස් දක්වමින් අගමැතිවරයා සදහන් කළේ රටට වී ඇති හානිය පැහැදිළි කිරීමට තමන් අවස්ථාව ලැබුණු බවයි.
එහිදී වැඩිදුරටත් අදහස් දැක්වූ රනිල් වික්‍රමසිංහ මහතා,
“කොමිසමේ සභාපතිවරයාට ස්තුතිවන්ත වෙනවා මට එම අවස්ථාව ලබාදීම සම්බන්ධව.මට අද හුඟක් කරුණු පැහැදිලි කරන්න අවස්ථාව ලැබුණා.අපේ ආර්ථික ප්‍රතිපත්තිය, රටේ වෙලා තියෙන හානිය ඇතුළු සියල්ලම මට මෙතනදි පැහැදිලි කරන්න අවස්ථාව ලැබුණා.මමත් අපේ පක්ෂයේ සභාපතිතුමාත්, ලේකම්තුමත්, ඇමතිවරුත් කිසිම බයක් නැතිව ඉදිරිපත් වුණා.
එජාපයේ ඇමතිවරුන් 30කට වැඩි පිරිසක්ද මෙම අවස්ථාවට එක්ව සිටියහ.