මොන මත වෙනස්කම් තිබුණද බෙදුම්වාදී ව්‍යවස්ථාව පාර්ලිමේන්තුවට ගෙන නොඑන්නැයි පොළොන්නරුවේ හැදුණු වැඩුණු පුද්ගලයෙකු ලෙස ජනාධිපති මෛත්‍රීපාල සිරිසේන මහතාගෙන් ඉල්ලා සිටින බව පාර්ලිමේන්තු මන්ත්‍රී විමල් වීරවංශ මහතා පාර්ලිමේන්තුවේදී පැවසීය.
ආණ්ඩුවේ මන්ත්‍රීවරුන් පිරිසක් වීරවංශ මහතාගේ එම ප්‍රකාශයට බාධා කළ අතර, එහිදී ඔහු කියා සිටියේ, “ඔයාගොල්ලන්ගේ ජනාධිපතිතුමාට එහෙම කියනකොට මොකද්ද ඔයගොල්ලන්ට තියන අමාරුව. දැං ජනාධිපතිතුමාට තේරෙනවනෙ එතුම ගැන අපි පොඩි දෙයක් හරි කියනකොට කලබල වෙන්නෙ කවුද කියල. කලබල වෙන්නේ ඇයි කියලා.
රොබරිපාලලා දින සියෙන් අලුත් රටක් හදන්න ඇවිත් දින විස්සෙන් මහ බැංකුව කැඩුවා.. කුරුදුවත්තේ ලංසි පැපොල්වලට වඩා පොළොන්නරුවෙ බණ්ඩක්කා හොදයි“
යැයි මන්ත්‍රීවරයා පවසද්දී සභාවේ සිටි ජනාධිපති මෛත්‍රීපාල සිරිසේන මහතාද සිනාසෙනු පෙනිනි.
විමල් වීරවංශ මහතා පාර්ලිමේන්තුවේදී කරන ලද සම්පුර්ණ කතාව මෙතනින්