ඉදිරි පළාත් පාලන මැතිවරණයට ජාතික නිදහස් පෙරමුණට ශ්‍රී ලංකා පොදුජන පෙරමුණෙන් ලබාදෙන අපේක්ෂක සංඛ්‍යාව සම්බන්ධයෙන් ගැටලුකාරී තත්ත්වයක් ඇති වී තිබෙන බවට දේශපාලන ආරංචි මාර්ග අනාවරණය කරයි.
විමල් වීරවංශගේ ජාතික නිදහස් පෙරමුණ විසින් අපේක්ෂකයින් හාරසීයක් ඉදිරිපත් කළ යුතු බවට ඉල්ලීම් කර ඇත. එහෙත් ජාතික නිදහස් පෙරමුණට ලබාදිය හැක්කේ අපේක්ෂකයන් දෙසීයක් පමණක් බවද බැසිල් රාජපක්ෂ පවසා තිබේ.
මේ වනවිට බැසිල් රාජපක්ෂගේ ප්‍රධානත්වයෙන් නාමයෝජනා සකස් කරන අතර ගැටුම් ඇතිවී තිබෙන පළාත් පාලන ආයතන සම්බන්ධයෙන් අවසන් තීරණය දිස්ත්‍රික් මට්ටමින් නාමයෝජනා කමිටු රැස්වූ විට ගන්නා ලෙස දැනුම් දී ඇත.
ලක්බිම