කල් ඉකුත් වන රියැදුරු බලපත්‍රවල කාලය දීර්ඝ කිරීම සහ වසරක් සඳහා තාවකාලික රියැදුරු බලපත්‍රයක් නිකුත් කිරීමට අදාළව මෝටර් රථ ප්‍රවාහන දෙපාර්තමේන්තුව නිවේදනයක් නිකුත් කර තිබේ.
(1) රියදුරු බලපත්‍රවල කාලය දීර්ඝ කිරීම යටතේ,
📌 2022 අප්‍රේල් 01 සිට 2022 ජුනි 30 දක්වා කල් ඉකුත් වන රියදුරු බලපත්‍ර කල් ඉකුත්වන දිනයේ සිට මාස 06 කින් දීර්ඝ කෙරෙනු ඇති.
📌2022 ජුලි 01 සිට 2022 සැප්තැම්බර් 30 දක්වා කල් ඉකුත් වන රියදුරු බලපත්‍ර කල් ඉකුත් වන දිනයේ සිට මාස 03 කින් දීර්ඝ කෙරේ (මින් පෙර දින දීර්ඝ කිරීම තුළින් ලබා දී ඇති සහන කාලයන් අනුව ඉහත දිනවලදී අවලංගු වන රියදුරු බලපත්‍ර ද ඇතුළත් වේ.)
2) තාවකාලික රියැදුරු බලපත්‍රයක් නිකුත් කිරීම
📌 තාවකාලික රියදුරු බලපත්‍රය සඳහා ආරක්ෂිත ක්‍රමවේද සහිත පරිගණක යෙදවුමක් පොලිස් දෙපාර්තමේන්තුවට හඳුන්වාදීමට ද කටයුතු කෙරෙනු ඇති.
( 3 ) දැනට නිකුත් කර ඇති තාවකාලික රියදුරු බලපත්‍ර සඳහා වසරක වලංගු කාලයක් සහිත නව තාවකාලික රියදුරු බලපත්‍රයක් තැපැල් මගින් බල පත්‍රලාභියාට ලබා දේ
(4) යථා තත්ත්වයට පත්වීමෙන් පසුව අදාළ කාඩ්පත් මුද්‍රණය කර ඉල්ලුම්කරුවන්ගේ නිවසටම රියදුරු බලපත්‍රය ලබා දීමට කටයුතු කරන බව ද මෝටර් රථ ප්‍රවාහන දෙපාර්තමේන්තුව පවසයි.