ගල්කිස්සේ මහල් නිවාසයක රදවා සිටි රොහින්ග්‍යා සංක්‍රමණියකයන්ට එරෙහිව විරෝධතාවයේ නිරතවූයේ යැයි චෝදනා කරමින් 42 හැවිරිදි කාන්තාවක් අද (30) පොලිසිය විසින් අත්අඩංගුවට ගෙන තිබෙනවා.
අදාල සිදුවීම සම්බන්ධයෙන් ඊයේ තවත් අයෙකු අත්අඩංගුවට ගෙන තිබිණි.
මේ අතර රොහින්ග්‍යා සංක්‍රමණිකයන් රදවා සිටින බූස්ස රැදවුම් කදවුර ඉදිරිපිට පැවැත්වීමට සූදානම්ව සිටි විරෝධතාවයක් වළක්වමින් ගාල්ල මහාධිකරණය අද තහනම් නියෝගයක් නිකුත් කර තිබෙනවා. රත්ගම පොලිසිය විසින් කරන ලද කරුණු දැක්වීමක් අනුව මෙම නියෝගය නිකුත් කර තිබෙන්නේ පූජ්‍ය අක්මීමන දයාරතන හිමි, සිංහලේ ජාතික බලමුළු සංවිධානයේ ස්වාමීන්වහන්සේලාට සහ පැමිණෙන් අනෙකුත් පුද්ගලයන්ටය.