අඩි 4ක් පමණ දිග කඩුවක් අමෝරාගෙන අල්ලාහු අක්බර් යනුවෙන් කෑමොර දෙමින් සිටි පුද්ගලයෙකු බකිංහැම් මාලිගය අසලදී අත්අඩංගුවට පත්ව තිබේ.
ස්කෝට්ලන්ඩ් යාඩ් පොලීසියේ ප්‍රති-ත්‍රස්ත මෙසහෙයුම් ප්‍රධානී ඩීන් හෙයිඩන් පවසා සිටියේ මෝටර් රථයක පැමිණි මෙම පුද්ගලයා පොලිස් වාහනය දෙසට සිය රථය ධාවනය කර ඇති බවයි.
පසුව පොලිස් නිලධාරීන් තිදෙනෙකු විසින් මොහු මෙල්ල කර ඇති අතර, එම අවස්ථාවේදී පොලිස් නිලධාරීන් මෙන්ම, මෙම පුද්ගලයාද තුවාල ලබා තිබේ. 26 හැවිරිදි සැකකරු ලූටන් ප්‍රදේශයේ පදිංචිකරුවෙකු බව හඳුනාගෙන ඇති අතර, ත්‍රස්ත මර්දන පනත යටතේ එම පුද්ගලයා අත්අඩංගුවට ගෙන තිබේ.
පසුගිය සමයේ අවස්ථා කිහිපයදීම යුරෝපයට සහ ලන්ඩනයට එල්ලවූ ඉස්ලාමීය ත්‍රස්ත ප්‍රහාර සමග එරට වැසියන් දැඩි භීතියකින් පසුවන බවද ජාත්‍යන්තර මාධ්‍ය වාර්තා පවසයි.
