Colombo Today Local News

අනුරධපුර ජේතවනාරාම ස්ථූපයේ යළිත් පැළුම් 2 ක්

අනුරධපුර ජේතවනාරාම ස්ථූපයේ යළිත් පැළුම් කිහිපයක් හටගෙන තිබේ.

මධ්‍යම සංස්කෘතික අරමුදලේ අධ්‍යක්ෂ ජෙනරාල් මහාචාර්ය ගාමිණි රණසිංහ මහතා සඳහන් කළේ, ස්ථූපයේ හතරැස් කොටුව ආසන්නයේ සිට ගර්භය දෙසට මීටර් 5 ක් පමණ දිග පැළුම් 2 ක් පමණ හඳුනා ගෙන ඇති බවයි.

මිට පෙරද ජේතවන ස්ථූපයේ පැළුම් කිහිපයක් හටගත් අතර එය ප්‍රතිසංස්කරණය කෙරුණේ හිටපු පුරාවිද්‍යා අධ්‍යක්ෂ ජෙනරාල්වරයෙකු වූ මහාචාර්ය සෙනරත් දිසානායක මහතාගේ මෙහෙයවීමෙන් උපදේශක කමිටුවක් නිර්දේශ මතයි.

කෙසේ වෙතත් නැවත හටගෙන ඇති මෙම පැලුම් කඩිනමින් ප්‍රතිසංස්කරණය කිරීමට අවශ්‍ය පියවර ගන්නා බව ද ඔහු පැවසී ය.

අඩි 269 ක් උසින් යුත් ජේතවනාරාම දාගැබ සැලකෙන්නේ ලොව විශාලතම ගඩොල් නිර්මාණය ලෙසයි.

කිස්තු වර්ෂ 273 ත් ක්‍රිස්තු වර්ෂ 301අතර රජකම් කළ මහසෙන් රජු විසින් ඉදිකළ මෙහි බුදුන් වහන්සේගේ පටී ධාතුව තැන්පත් කර ඇති බව වංශ කථාවල සඳහන් ය.

අනුරාධපුර යුගයේ පරිහානියත් සමග ගරා වැටී තිබූ මෙම දාගැබ මීට වසර කිහිපයට පෙර මධ්‍යම සංස්කෘතික අරමුදල විසින් ප්‍රතිසංස්කරණය කෙරිණ.

Related posts

මොරගහකන්ද ජලාශයට ජලය පිරවීම සුබ මොහොතින් ඇරඹේ

colombotoday

ඇඳිරි නීතිය පනවා තිබියදී අත්අඩංගුවට ගත් වාහන නැවත හිමිකරුවන්ට ලබාදීමට තීරණයක්

colombotoday

“වෙනස් මුහුණුවරකින් අපි ලංකාවේ ඊළමක් හදනවා” – තමිල්ණාඩුවේ වයිකෝ

colombotoday

දයාසිරි ඇමතිකමෙන් ඉවත්වෙයි.. බඩුත් අකුලන් යන්න යයි

colombotoday

දින 14ක් රට වසා දමන බවට සමාජ මාධ්‍යයේ පැතිරය යන ප්‍රචාර අසත්‍යක් – යුද හමුදාපති

colombotoday

පොදුජන පෙරමුණේ පක්ෂ රැස්වීමක් මහින්ද ප්‍රධානත්වයෙන්

Admin