ආණ්ඩුක්‍රම ව්‍යවස්ථා සම්පාදන මණ්ඩලයෙන් හෝ ආණ්ඩුක්‍රම ව්‍යවස්ථා මෙහෙයුම් කමිටුවෙන් ඉවත් නොවීමට ඒකාබද්ධ විපක්ෂය තීරණය කර ඇත.
ඒකාබද්ධ විපක්ෂය නියෝජනය කරන එක් එක් පක්ෂවලට සිය අනන්‍යතාව රැකෙන පරිදි මේ සම්බන්ධයෙන් ස්වාධීනව තීරණයක් ගැනීමට අවස්ථාව ලබාදීමට එහිදී තීරණය කර තිබේ.
ජාතික නිදහස් පෙරමුණ ඊයේ (19දා) කතානායකවරයාට ලිපියක් භාරදෙමින් ව්‍යවස්ථා සම්පාදක මණ්ඩලයෙන් සහ ව්‍යවස්ථා මෙහෙයුම් කමිටුවෙන් ඉවත් වූ අතර මහජන එක්සත් පෙරමුණ, ලංකා සම සමාජ පක්ෂය, ශ්‍රී ලංකාවේ කොමියුනිස්ට් පක්ෂය හා පිවිතුරු හෙළ උරුමය තවදුරටත් මෙම මණ්ඩලවලට සම්බන්ධ විය යුතු බවට තීරණය කර ඇත.
පෙරේදා (18දා) රැස්වූ ඒකාබද්ධ විපක්ෂයේ නායක හමුවේදී මේ පිළිබඳව දීර්ඝ වශයෙන් සාකච්ඡා කිරීමෙන් අනතුරුව මෙම තීරණයට පැමිණ තිබේ.