ලෝකයේ ත්‍රස්තවාදයක් පවතීනම් ඉතාම දරුණුම ත්‍රස්තවාදය වන්නේ ලෙඩුන් බිලි දෙමින් රජයේ වෛද්‍ය නිලධාරීන්ගේ සංගමය විසින් ක්‍රියාත්මක කරන ත්‍රස්තවාදය බව ආචාර්ය වික්‍රමබාහු කරුණාරත්න පවසයි.
“ප්‍රභාකරන් මොන ත්‍රස්තවාදියෙක්ද, මේකනේ ත්‍රස්තවාදය, මේ ත්‍රස්තවාදයෙන් මේ රටේ සියලු දේවල් කරන්න පුලුවන් කියලා හිතාගෙන ඉන්නාවා ජී.එම්.ඕ.ඒ නායකයෝ” ඔහු සදහන් කළේ 11 අඟහරුවාදා කොළඹදී පැවැති මාධ්‍ය හමුවකදීය.
රජයේ වෛද්‍ය නිලධාරීන්ගේ සංගමයේ “ත්‍රස්තවාදයට” යටවී ඔවුනට අවශ්‍ය ආකාරයට සයිටම් ආයතනය විනාශ කර දැමීමට කටයුතු කරන්නේදැයි රජයෙන් විමසූ ඔහු හොදින් හෝ නරකින් වෛද්‍ය සංගමයේ ක්‍රියාකලාපය මර්ධනය කළ යුතු යැයිද කියා සිටී.
“හොදින්ම යුක්තිය ලැබෙන්නේ නෑ. හැමදාම යුක්තිය සාධාරණය ලැබුනේ නැ හොඳ කරලම, පින් කරලම, පව් කරන්නත් වෙනවා” යැයිද හෙතෙම පැවසීය.