කොළඹ දිස්ත්‍රික්කයේ ප්‍රාදේශීය ලේකම් කොට්ඨාස 15න් 14ක්ම මේ වන විට ඩෙංගු අධි අවදානම් කලාප ලෙස හඳුනා ගෙන ඇතැයි ඩෙංගු මර්දන වැඩසටහන අනාවරණය කරයි.
දෙහිවල, රත්මලාන, මොරටුව, නුගේගොඩ, බත්තරමුල්ල, කොළොන්නාව, කඩුවෙල, හෝමාගම, මහරගම, පාදුක්ක, කහතුඩුව, පිළියන්දල, බොරලැස්ගමුව හා පිටකෝට්ටේ එම කලාප වේ.
මෙම වසරේ ගතවූ මාස 6 ක කාලය තුළ දිවයිනෙන්ම ඩෙංගු රෝගීන් 70,000 ක් වාර්තා වි ඇති අතර මෙම කාලය තුළ ඩෙංගු මරණ 215 ක් වාර්තා වන බවයි ඩෙංගු මර්දන වැඩසටහන සදහන් කරන්නේ.
කොළඹ, කළුතර, ගම්පහ, ගාල්ල, මාතර, රත්නපුර, කෑගල්ල, මහනුවර, මාතලේ, කුරුණෑගල, පුත්තලම, යාපනය, ත්‍රිකුණාමලය, මඩකලපුව යන දිස්‌ත්‍රික්‌කවලින් ඩෙංගු රෝගීන් වැඩි වශයෙන් හමුවී ඇති අතර මේ නිසා නිරන්තරයෙන්ම තමන්ගේ නිවාස, පරිශ්‍ර සුද්ද කරගන්න. විශේෂයෙන්ම මදුරු විකර්ශන (පැඟිරි තෙල් වැනි) පාවිච්චි කරන්න. කුඩා දරුවන්ගේ ඇඟපත වැහෙන ඇඳුම් අන්දවන්න. උණ ඇත්නම් වහාම රජයේ වෛද්‍යවරයකු හමුවෙන ලෙසත් වෛද්‍යවරයකුගේ උපදෙස්‌ නැතිව අත්බෙහෙත් පාවිච්චි නොකරන ලෙසත් ඉල්ලා සිටි.