Colombo Today Local News

ජනවාරියේ අධිවේගී මාර්ග තුනක වැඩ පටන් ගන්නවා

laxman kiriellaලබන වසරේ ජනවාරියේ දී අධිවේගී මාර්ග තුනක වැඩ අරඹන බව ශ්‍රී ලංකා පාර්ලිමේන්තුවේ සභානායක, උසස්‌ අධ්‍යාපන හා මහාමාර්ග අමාත්‍ය ලක්‍ෂ්මන් කිරිඇල්ල මහතා පැවැසීය. 2017 ජනවාරි මාසයේදී කොළඹ මහනුවර අධිවේගී මාර්ගය (ෂෂ අදියර) කොළඹ-රත්නපුර අධිවේගී මාර්ගය, කුරුණෑගල, දඹුල්ල, ත්‍රිකුණාමලය-යාපනය අධිවේගී මාර්ගය වැඩ ඇරැඹීමට සැලසුම් කර තිබෙන බව හෙතෙම කීය.

මේ අධිවේගී මාර්ග තුනෙන්ම මුළු රටම ආවරණය වෙනවා. අපේ රටේ පළාත් බෙදාගෙන සංවර්ධනය කරන්න ආයෝජකයෝ පැමිණ සිටිනවා. හම්බන්තොට සංවර්ධනය කරන්න චීනය ඉදිරිපත්වී තිබෙනවා. ත්‍රිකුණාමලය සංවර්ධනය කරන්න සිංගප්පූරුව කැමැත්ත පළ කර තිබෙනවා. කර්මාන්ත ශාලා දියුණු කරලා අලුතෙන් හෝටල් හදලා ත්‍රිකුණාමලය සංවර්ධනය කරනවා. ජපානය මහනුවර ප්‍රදේශය සංවර්ධනය කරනවා. අන්න ඒ නිසයි ජී-7 සමුළුවටත් අපේ ජනාධිපතිතුමාට ආරාධනා කෙරුවේ. අපි අපේ රට තව අවුරුදු 3 කින් දැවැන්ත සංවර්ධනයක්‌ කරා ගෙන යනවා. ඊට ජනතාවගේ සහය අවශ්‍යය යෑයි තවදුරටත් කීය.

ශ්‍රී ලංකා පාර්ලිමේන්තුවේ සභානායක, උසස්‌ අධ්‍යාපන හා මහා මාර්ග අමාත්‍ය ලක්‍ෂ්මන් කිරිඇල්ල මහතා මේ අදහස්‌ පළ කළේ 2016.08.28 දින පළාත් සභා සහ පළාත් පාලන අමාත්‍යාංශය මගින් මෙහෙය වන “පුර නැඟුම” ව්‍යාපෘතිය යටතේ ගාල්ල දිස්‌ත්‍රික්‌කයේ කරන්දෙණිය මැතිවරණ කොට්‌ඨාසයේ වැලිවිටිය දිවිතුර ප්‍රාදේශීය සභා බහුකාර්ය ගොඩනැඟිල්ල ජනතා අයිතියට පැවරීමේ උත්සවයේ ප්‍රධාන ආරාධිතයා වශයෙන් සහභාගී වෙමිනි.

Related posts

ලොකු ලූනු කිලෝවකට රු.100ක සහතික මිලක්

colombotoday

රුසියානු තේ තහනම් ඉවතට !

colombotoday

වාහන දෙකක් හප්පා දියවන්නාවට පැන්න සැප රියේ හිමිකරුට අධිකරණය අද දුන් දඩුවම…

colombotoday

කොරෝනා පාලනයේ මුල් තැන හමුදාවට ලබා දීම වැරදි – පෙරටුගාමි සමාජවාදී පක්ෂය කියයි

colombotoday

මළ අපවහන පද්ධතියක් නඩත්තු කල සේවකයින් දෙදෙනෙකු මරු දකී

Admin

රාජිත “ආවා“ කල්ලිය හමුදාවට පටලවයි.. ගෝඨාගෙන් හැරෙන තැපෑලෙන් පිළිතුරු

colombotoday