ඉන්දියානු මනිපාල් විශ්වවිද්‍යාලයේ ශාඛාවක් කළුතර දිස්ත්‍රික්කයේ ස්ථාපිත කිරීම සඳහා උසස් අධ්‍යාපන අමාත්‍ය ලක්ෂ්මන් කිරිඇල්ල මහතා විසින් 2017 පෙබරවාරි 14 දින පැවති කැබිනට් මණ්ඩලයට ඉදිරිපත් කර තිබු යෝජනාවට පසුගිය දා පැවති කැබිනට් රැස්වීමේ දී අනුමැතිය ලැබී ඇත.
ඇමරිකානු ඩොලර් මිලියන 75 ක ආයෝජනයකින් ඇරඹෙන මෙම ව්‍යාපෘතිය සඳහා කළුතර දිස්ත්‍රික්කයේ අක්කර සියයක භූමියක් වෙන් කිරීමට නියමිතය.
පෞද්ගලික ආයෝජකයන්ට ලංකාවේ උසස් අධ්‍යාපනය වෙනුවෙන් ආයෝජන අවස්ථා සලසා දීම මෙම ව්‍යාපෘතියේ අරමුණ වී තිබේ.
එහි තොරතුරු තාක්ෂණය, කළමනාකරණය සහ ඉංජිනේරු විෂයන්ට අදාළ උපාධි හැදෑරීමට අවස්ථාව සලසා දෙන බව උසස් අධ්‍යාපන අමාත්‍යවරයා ප්‍රකාශ කර ඇත.
මනිපාල් විශ්වවිද්‍යාලයේ වෛද්‍ය පීඨය ජාත්‍යන්තර වශයෙන් ප්‍රසිද්ධියට පත්ව ඇතත්, කළුතර ස්ථාපිත කෙරෙන ශාඛාවට වෛද්‍යය පීඨයක් එක් නොකිරීමට රජය තීරණය කර තිබේ.
ඒ, දැනට පවතින සයිටම් විරෝධය සලකා බැලීමෙන් අනතුරුවය.
(දයා නෙත්තසිංහ)