දේශීය සහල් කිලෝවක මිල රුපියල් 120ක් දක්වා ඉහළයාම නිසා පාරිභෝගිකයන් දැඩි අසරණ තත්ත්වයකට පත්ව ඇතැයි පාරිභෝගික අයිතීන් සුරැකීමේ ජනතා ව්‍යාපාරය සඳහන් කරයි.
කෘත්‍රිම සහල් හිඟයක් ඇති කර තිබෙන බවත්, මේ නිසා සමහර සුපිරි වෙළෙඳ සැල් පවා සහල් අලෙවිය සීමා කර තිබෙන බවත් එම සංගමයේ සභාපති රංජිත් විතානගේ මහතා සඳහන් කළේය.
රජයේ සහල් පාලන මිලට අනුව කැකුළු කිලෝවක් රුපියල් 80කටත්, නාඩු සහල් කිලෝවක් රුපියල් 78කටත් අලෙවි කළ යුතු බවද ඔහු පවසා සිටියේය.