බ්‍රිතාන්‍ය යේ මැන්චෙස්ටර් හි ‘මැන්චෙස්ටර් අරීනා‘ ගෘහස්ථ ක්‍රීඩාංගනයේ සිදුවූ මරාගෙන මැරෙන බෝම්බ ප්‍රහරයකින් පුද්ගලයන් 19 දෙනෙකු ජීවිතක්ෂයට පත්ව 50කට වැඩි පිරිසක් තුවාල ලබා ඇති බව විදෙස් මාධ්‍ය පවසයි.
ඇමෙරිකානු ගායිකාවන වන අරියානා ග්‍රෑන්ඩ් සහභාගී වූ සංගීත ප්‍රසංගයක් අවසානයේදී විශාල පිපිරුමක් සමග ගෘහස්ත ක්‍රීඩාංගණය තුළ සිටි පිරිස් ලේ වැගිරුණු සිරුරු සමග මර බියෙන් කෑ ගසමින් දිවගිය බව සිද්ධිය ඇසින් දුටුවෝ පවසති.
මෙම මහා පිපිරුමත් සමග යකඩ කැබලි විසිවී ගිය බවත්, මේ සමගම ශාලාව තුළ සිටි දහසකුත් පිරිස සී සී කඩ විසිරී ගිය බවත් සිද්ධිය ඇසින් දුටුවෝ පවසති. ආසන 21,000කින් යුතු මෙම ශාලාව තුළ සිටි කුඩා දරුවන් ආසන යට රිංගමින් තම ජීවිත බේරාගැනීමේ ඛේදනීය ඉරණමකට ලක්ව සිටි බවද ඔවුහු පවසති.
මෙම ප්‍රහාරය සම්බන්ධයෙන් ඇමෙරිකානු ආරක්ෂක අංශ අනාවරණය කරගෙන ඇත්තේ මෙය ඉස්ලාමිය ත්‍රස්ත ප්‍රහාරයක් බවයි.
