පානදුර සංචාරක හෝටලයක වැසිකිලි වළක් තුළ තිබෙන බවට සැක කළ තරුණ කාන්තාවකගේ මළසිරුරක් මීට සුළු මොහොතකට පෙර පානදුර අතිරේක මහේස්ත්‍රාත් ලහිරු එන් සිල්වා මහතා ඉදිරියේ වැසිකිළි වළ විවෘත කිරීමේදී හමුවී තිබේ.
සිද්ධිය සම්බන්ධයෙන් හෝටලයේ සේවකයින් දෙදෙනෙකුද මේ වනවිට අත්අඩංගුවට ගෙන ඇතැයි පොලිසිය පවසයි.
අත්අඩංගුවට ගෙන ඇති සැකකරුවන් පිළියන්දල සහ බොරලැස්ගමුව ප්‍රදේශයේ පදිංචි 40 සහ 45 වියැති පුද්ගලයින් බව පොලිසිය කියයි.
සිද්ධියට සම්බන්ධ වීරකැට්ය ප්‍රදේශයේ පදිංචි හෝටල් කළමනාකරු අද උදෑසන හෝටලයෙන් පලාගොස් ඇති බවත් ඔහු සොයා පරීක්ෂණ සිදුකරන බවත් පොලිසිය කියයි.
පානදුර අපරාධ ස්ථාන පරීක්ෂණාගාර නිලධාරීහු පරීක්ෂණ සිදුකරති.
