7 April 2025
Colombo Today Local News

චම්පික නංගි පෙන්වා අක්ක දීලා.. මිලියන 169ක වංචාවක් ! මරික්කාර්ගෙන් ජනපතිට පැමිණිලි

අමාත්‍ය පාඨලී චම්පික රණවක මහතා නංගි පෙන්නා අක්කා දී ඇතැයි කොළඹ දිස්ත්‍රීක් පාර්ලිමේන්තු මන්ත්‍රී එස්. එම්. මරික්කාර මහතා අද (25) ජනාධිපතිවරයාට පැමිණිලි කර තිබේ.

ඒ, කොළඹ සහ තදාසන්න ප්‍රදේශවල කසළ කළමනාකරණය විධිමත් කිරීම පිළිබඳ අද (25) පෙරවරුවේ ජනාධිපති කාර්යාලයේ පැවති සාකච්ඡාවෙන් අනතුරුවය.

මීතොටමුල්ල ඛේදවාචකයෙන් නිවාස අහිමි වුවනට නාගරික සංවර්ධන අධිකාරිය සතු මන්ඩාවිල නිවාස සංකීර්ණයෙන් නිවාස 98ක් මිලදී ගැනීම සඳහා මහ භාණ්ඩාගාරයෙන් එක නිවසකට රුපියල් ලක්ෂ 40 බැගින් රුපියල් මිලියන 392ක් ලබාදී තිබියදී, නාගරික සංවර්ධන අධිකාරිය ලබාදී ඇත්තේ රුපියල් ලක්ෂ 20 ට ඇස්තමේන්තුකර තිබු නිවාස බවට මරිකාර් මන්ත්‍රීවරයා එහිදී චෝදනා කර තිබේ.

මෙමගින් නාගරික සංවර්ධන අධිකාරිය රුපියල් මිලියන 196ක වංචාවක් කර ඇතැයි මන්ත්‍රීවරයා පෙන්වා දී ඇත.

නාගරික සංවර්ධන අධිකාරිය මන්ඩාවිල නිවාස රජයේ සේවකයින් වෙනුවෙන් ඉඳිකර තිබී ඇති අතර, එහි එක් නිවසක මිල රුපියල් ලක්ෂ 40ක් ලෙස ඇස්තමේන්තු කර තිබී ඇත.

නාගරික සංවර්ධන අධිකාරිය විසින් ලක්සල නිවාස ඉඳිකර ඇත්තේ, කැළණි ගඟ පුළුල් කිරීමේ ව්‍යාපෘතියේදී නිවාස අහිමි වන අඩු ආධායම් ලාභින් වෙනුවෙනි.

මරික්කාර් මන්ත්‍රීවරයා ඉදිරිපත් කල කරුණු සම්බන්ධයෙන් වහාම වාර්තාවක් ලබාදෙන ලෙස ජනාධිපතිවරයා නාගරික සංවර්ධන අධිකාරියේ සභාපතිවරයාට නියෝග කර ඇතැයි ද වාර්තාවේ.

නාගරික සංවර්ධන අධිකාරිය අමාත්‍ය චම්පික රණවක මහතාගේ අමාත්‍යංශය යටතේ පවතී.

Related posts

ධනුෂ්කට එරෙහි චෝදනා 4න් 3ක් ඉවත් කෙරේ

Admin

ඥානසාර හිමිගේ නම ඇතුලත් කුරුණෑගල නාමයෝජනා පත්‍රය ප්‍රතික්ෂේප වේ.

colombotoday

වැල්ලවත්ත මුහුදු වෙරළේ පිරිමි පුද්ගල මළ සිරුරක්

colombotoday

අධිකරණයට අපහාස කිරීමේ දෙවන චෝදනාවට රන්ජන්ට අධිකරණය දුන් තීන්දුව

colombotoday

යසෝදරාවට පැන්න මහානාම සිසුවා 31 දක්වා රිමාන්ඩ්

colombotoday

ආසියා පැසිෆික් කළාපයේ හොදම මුදල් ඇමති රවී කරුණානායකලු

colombotoday