Colombo Today Local News

ඇමරිකා හමුදාව ශ්‍රී ලංකාවේ ස්ථානගත වීමේ සූදානමක්.. 5වන නෞකා බළඇණිය ඩෙල්ෆ් දූපතට !!!

දැනට දියාගෝ ගාර්ෂියා හි ස්ථානගතව සිටින ආසියා – ෆැසිපික් සාගර කලාපයේ ඇමරිකානු 5 වන නෞකා සේනාංකය ලංකාවේ ඩෙල්ෆ් දූපත් සමූහයේ ස්ථානගත කිරීමේ සූදානමක් පවතින බව දේශපාලන ආරංචි මාර්ග සඳහන් කරයි.

ඊට අදාළ රාජ්‍යතාන්ත්‍රික මැදිහත්වීම නුදුරේදීම එක්සත් ජනපදය විසින් සිදු කරනු ඇති බව සඳහන් කරන එම ආරංචි මාර්ග වැඩිදුරටත් පවසා සිටින්නේ එක්සත් ජනපදය මෙරට සමඟ 2007 වසරේ අත්සන් කළ The Acquisition and Cross – Services Agreement (ACSA) ගිවිසුම මත පදනම්ව ඇමරිකානු 5 වන නෞකා සේනාංකය සඳහා ඩෙල්ෆ් දූපත ඉල්ලා සිටීම සිදුවනු ඇති බවය.

මේ අයුරින් ඇමරිකා එක්සත් ජනපදය ඩෙල්ෆ් දූපත වෙත අවධානය යොමුකර තිබෙන්නේ දැනට ආසියා – ෆැසිපික් සාගර කලාපයේ ඇමරිකානු 5 වන නෞකා සේනාංකය ස්ථානගත වී සිටින දියාගෝ ගාර්ෂියා දූපතෙන් ඉවත් වීමට සිදුව තිබීමත් ඒ හේතුවෙන් ඇමරිකා එක්සත් ජනපදයට ඉන්දියානු සාගර කලාපය තුළ කඳවුරක් පිහිටුවීම සඳහා භූමියක් අවශ්‍ය වීම නිසාත්ය.

ඇමරිකා එක්සත් ජනපදය විසින් ඇමරිකානු 5 වන නෞකා සේනාංකය වෙනුවෙන් දියාගෝ ගාර්ෂියා දූපත් සමූහය ගිවිසුමක් හරහා බි්‍රතාන්‍යය වෙතින් මිලදී ගන්නේ 1966 දී වන අතර ඒ ඇමරිකානු ඩොලර් මිලියන 14ක මුදලකටය. එම ගිවිසුමට අනුව ඇමරිකා එක්සත් ජනපදයට එම දූපත් සමූහයේ කටයුතු කිරීමට අවස්ථාව සැලසෙන්නේ වසර 50ක කාලයක් සඳහා පමණි. ඒ අනුව මේ වසර අවසන් වන විට දියාගෝ ගාර්ෂියා හි සිට මෙහෙයුම් කටයුතු සිදු කිරීමට එක්සත් ජනපදයට අවස්ථාව අහිමි වේ.

එක්සත් ජනපදය විසින් ඩෙල්ෆ් දූපත වෙත අවධානය යොමු කිරීමට පෙර අවධානය යොමුකර සිටියේ මාලදිවයින් දූපත් කෙරෙහිය. එහෙත් එම අදහස පසුව වෙනස් වූ අතර ඉන්දියන් සාගරය තුළ ඩෙල්ෆ් දූපත් සමූහය පිහිටා ඇති භූගෝලීය වැදගත්කම, ත්‍රිකුණාමලය වරාය ආශ්‍රිත ඉන්දීය ක්‍රියාකාරකම් වර්ධනය වෙමින් තිබීම සහ මෙරට නාවුක ක්ෂේත්‍රයේ චීන ක්‍රියාකාරකම් වර්ධනය වීමත් සැලකිල්ලට ගෙන ඩෙල්ෆ් දූපත් සමූහය වෙත එක්සත් ජනපද අවධානය යොමුව ඇති බව ද අප ආරංචි මාර්ග සඳහන් කර සිටියි.

ඇමරිකා එක්සත් ජනපදය විසින් මැදිහත්ව ඇෆ්ගනිස්තානයේ සහ ඉරාකයේ සිදු කළ යුද්ධවල දී ප්‍රහාරක මූලස්ථානය ලෙස භාවිත කර ඇත්තේ දියාගෝ ගාර්ෂියා දූපත් සමූහයේ පිහිටි කඳවුරය.

Sathhanda

Related posts

අගමැති ජෝන්ගේ පෙති ගහල වගේ, චන්ඩියා වෙලා.. ජනපති අනුන්ගේ ළමයින්ට උප්පැන්න ලියනවා

colombotoday

තුනෙන් දෙකක් ඡන්දේ දුන්නේ එක රටක් එක නීතියක් ගේන්න. – දොලවත්ත පාර්ලිමේන්තුවේදී කියයි.

colombotoday

චීනයේ කිනිතුල්ලන් ගෙන් ව්‍යාප්තවන තවත් වෛරසයක්… 07ක් මරුට

colombotoday

ඉතිහාසය ඇලජික් ‘අලුත් පරපුරේ’ කුවිචාරකයන්ට ජැක්සන්ගෙන් කණ පැළෙන්න උත්තර !

colombotoday

“උඹව උස්සනවා.. දැනගනිං මම නීතීඥවරියක්” කියමින් හිරුණිකා මේසයක් උඩ හිඳ නඩු ඇහුවා – පැහැරගත් තරුණයා කටඋත්තර දෙයි

colombotoday

ඇමතිකම් අතැර ස්වාධීන වෙනවද.. පොහොට්ටුවට එක්වෙනවද.. ශ්‍රීලනිප ඇමතිලා ජනපති හමුවෙයි

colombotoday