යාපනය විශ්වවිද්‍යාලයේ සියයට 60 ක්‌ සිංහල සිසුන් සිටින බවටත්, උතුරු නැගෙනහිර පාසල් සියල්ල හමුදා පාලනයේ පවතින බවටත් ජිනීවා මානව හිමිකම් සමුළුව හමුවේ සාවද්‍ය ප්‍රකශයක්‌ ඉදිරිපත් වී ඇත.
‘අධ්‍යාපනය හමුදා පාලනය යටතේ’ මැයෙන් ජිනීවා මානව හිමිකම් කවුන්සිලයේ පැවැති සමාන්තර රැස්‌වීමකදී උතුරේ සිට පැමිණි නීලා නමැත්තිය මේ සාවද්‍ය ප්‍රකාශය කළාය. මුළු උතුරේ ඇති පාසල් හමුදා ආධිපත්‍යය යටතේ පවතින බව පැවසූ ඇය ද්‍රවිඩ ජනතාවගේ අධ්‍යාපනය කඩාකප්පල් කර ඇති බව කියා සිටියාය.
ඇයගේ මේ සාවද්‍ය ප්‍රකාශයට ප්‍රතිචාර දැක්‌වීම සඳහා ශ්‍රී ලංකා තානාපති කාර්යාලයේ කිසිදු නිලධාරියකු එම රැස්‌වීමට පැමිණ සිටියේ නැත.
ප්‍රංශ ඊළම් සංවිධානයක සහායෙන් මෙම සමාන්තර රැස්‌වීම පැවැත්වූහ.
– දිවයින