Colombo Today Local News

ඉන්ධන නැතිව පිරවුම්හල් වහලා බලශක්ති ඇමති තෙල් තියනවලු

අලුත් අවුරුදු සමය වන විට කිසිදු ගැටලුවකින් තොරව ඉන්ධන බෙදාහැරීමේ කටයුතු සිදුකරන බව බලශක්ති අමාත්‍ය ගාමිණී ලොකුගේ මහතා පවසයි.

අමාත්‍යවරයා පවසන්නේ, මේ වන විටත් ඇතැම් ඉන්ධන පිරවුම්හල් වෙත යොමුකරන ඉන්ධන බවුසර් නැවත හරවා එවන තත්වයක් උද්ගත වී ඇති බවය.

වැඩිදුරටත් අදහස් දැක්වු අමාත්‍යවරයා,

“පිරවුම්හලක සාමාන්‍යයෙන් දවස් එකහමාරක් දෙකකට විකුණපු තෙල් බවුසරයක් දැන් යනකොට පැය 10න් – 15න් අවසන් වෙනවා. අදත් උදේ 6 ඉඳලා ඒ බෙඳුම් කටයුතු කරගෙන යනවා. ඒ කටයුත්ත කරගෙන යනකොට අපි තීන්දුවක් අරගත්තා කොළඹ නගරයට හැමදාම උදේට සෑම ෂෙඩ් එකකටම ඩීසල් බවුසරයකුයි පෙට්‍රල් බවුසරයකුයි අරින්න. ඒ වගේම හැන්දෑවේ 2 – 3 වෙද්දි තව පාරක් ඒකට අරින්න. දැන් මට උදේ කතා කරාම සමහර තැන්වලින් තෙල් රිටන්වෙලා ඇවිල්ලා තියෙනවා තෙල් ගබඩාවල තියෙනවා. ඒ වගේම ඊයේ රාත්‍රියේ පෙට්‍රල් නෞකාවක් මුතුරාජවෙලට බානවා. ඒ එක්කම තව ඩීසල් නැවක් ඇවිත් තියෙනවා ඒක හවසට කොළොන්නාවට බාන්න පුළුවන්. එතකොට සිංහල අවුරුද්ද වෙද්දි අවශ්‍ය තෙල් ප්‍රමාණය තියෙනවා.”

කෙසේවෙතත් අද දිනයේත් දිවයිනේ ප්‍රදේශ රැසක ඉන්ධන පිරවුම්හල් අසල දිගු පෝලිම් දක්නට ලැබුණි.

ඉන්ධන නොමැති බව සඳහන් කරමින් අදත් ප්‍රදේශ රැසක ඉන්ධන පිරවුම්හල් වසා දමා තිබෙන ආකාරය දක්නට ලැබුණි.

ඒ අතර කොළඹින් බැහැර දුර පළාත්වල ඇතැම් පිරවුම්හල් අසල තවදුරටත් දිගු පෝලිම් මෙලෙස දක්නට ලැබුණි.

Related posts

2011 ක්‍රිකට් තරඟ පාවාදීමේ චෝදනාව: බොරු කියු මහින්දානන්දට විරුද්දව පරීක්‍ෂණ ආරම්භ කරනැයි පැමිණිල්ලක්

colombotoday

වැලිපැන්නේ මුස්ලිම් පල්ලිය අසල හිස් ඉඩමක බෝම්බ තුනක්…

colombotoday

නීතියට පටහැනි, සදාචාර විරෝධී ක්‍රියා වල නිරත වන මානසික ආබාධයකට ලක් වූ අයකුගේ හැසිරීමක් පෙන්වන හූල් මැතිවරණ කොමිසමේන් එලවා දමන්නැයි කරු ජයසූරියට කියයි.

colombotoday

වසර 5ක් තුල මන්ත්‍රීවරයෙක් ලෙස රු. තිස්කෝටි හැට දෙලක්‍ෂයක් උපයාගෙන. සජින් ද වාස්ට අධිචෝදනා භාරදෙයි

colombotoday

තිලිණි ප්‍රියමාලි යළි ඇතුළට : ජානකීට ඇප

Admin

ආරක්ෂක ලේකම්, සරත් විජේසූරියගෙන් මිලියන 1000 ක් වන්දි ඉල්ලයි !

colombotoday