අකුරැස්ස, දීගල ප්‍රදේශයේ නිවසක බිත්තියකට යට වී කුඩා දරුවෙකු ජීවිතක්ෂයට පත්ව ඇති බව අකුරැස්ස පොලීසිය පවසයි.
පොලීසිය සඳහන් කරන්නේ, අනතුරින් 8 හැවිරිදි පිරිමි දරුවෙක් එලෙස මියගොස් ඇති බවයි.
එමෙන්ම අනතුරින් තවත් 5 හැවිරිදි දරුවෙක් තුවාල ලබා ප්‍රතිකාර සඳහා කරාපිටිය රෝහලට ඇතුළත් කර තිබේ.
අදාළ නිවස අලුත්වැඩියා කරමින් තිබෙන අතරතුර එම අනතුර සිදුව ඇති බවටයි වාර්තා වන්නේ.
අකුරැස්ස පොලීසිය සිද්ධිය සම්බන්ධයෙන් වැඩිදුර විමර්ශන සිදුකරනු ලබයි.