World

IS – K මරාගෙන මැරෙන බෝම්බකරුවෙකුට අමෙරිකාවෙන් ඩ්‍රෝන ප්‍රහාරයක්

කාබුල් ගුවන්තොටුපොලේ සිදුවීමට ගිය තවත් දරුණු මරාගෙන මැරෙන ප්‍රහාරයක්, සිය ඩ්‍රෝන ප්‍රහාරයකින් වළක්වා ගැනීමට හැකිවූ බව අමෙරිකාව පවසයි.

අයිඑස් සංවිධානයේ ඇෆ්ගන් ශාඛාව වන IS – K ත්‍රස්තවාදී කණ්ඩායමට අයත් මරාගෙන මැරෙන බෝම්බකරුවෙක් රැගත් වාහනයකට එලෙස ඩ්‍රෝන ප්‍රහාරය එල්ල කළ බව ඔවුන් සඳහන් කරයි.

එම බෝම්බකරුවාගේ ඉලක්කය වී තිබුණේ කාබුල් ගුවන්තොටුපොළ බව අමෙරිකානු හමුදා වැඩිදුරටත් සඳහන් කර ඇත.

ඇෆ්ගනිස්තානයේ සිදුවීමට අදාළව අයිඑස් ත්‍රස්තවාදීන් ඉලක්ක කරමින් අමෙරිකාව දියත් කළ දෙවන ප්‍රහාරය මෙය වේ.

ඇෆ්ගනිස්තානයේ කාබුල් ගුවන්තොටුපොළට නැවතත් මාරාන්තික ත්‍රස්තවාදී ප්‍රහාරයක් එල්ල විය හැකි බවට අමෙරිකාව ඊයේ අනතුරු ඇඟවා තිබුණි.

රටින් පළායන ඇෆ්ගන් වැසියන් මුදාගැනීමේ අමෙරිකානු මෙහෙයුම හෙටින් අවසන් වීමට නියමිතය.

අවසන් මොහොත දක්වාම පුද්ගලයන් මුදාගැනීම සිදුකරන බව අමෙරිකාව නිවේදනය කර තිබේ.

මේ අතර ඩෙලවෙයර් හි පිහිටි ඩෝවර් ගුවන් හමුදා කඳවුර වෙත ගිය අමෙරිකානු ජනාධිපති ජෝ බයිඩ්න්, කාබුල් ප්‍රහාරයෙන් මියගිය අමෙරිකානු හමුදා භටයන්ට ගෞරව දැක්වා තිබූ බව විදෙස් මාධ්‍ය වාර්තා කරයි.

ප්‍රහාරයෙන් මියගිය සෙබළුන් 11 දෙනෙකුගේ මෘතදේහ එම අවස්ථාවේදී කඳවුර වෙත ගෙනැවිත් ඇත.

ජනාධිපතිවරයා සහ බිරිඳ මෙහිදී මියගිය හමුදා සෙබළුන්ගේ ඥාතීන් හමුවූ බවද විදෙස් වාර්තා වැඩිදුරටත් සඳහන් කර තිබුණි.

Related posts

කොරියානු දේශ සීමාවේ පිහිටි ඒකාබද්ධ සම්බන්ධතා කාර්යාලය උතුරු කොරියාව විසින් පුපුරුවා හැරේ

colombotoday

අසාධ්‍යයයි.. මිය ගියේ නෑ.. ජයලලිතා මියයෑමේ වාර්තා රෝහල ප්‍රතික්ෂේප කරයි

colombotoday

පිලිපීනයම මර බියෙන් ඇවිලෙයි.. ISIS ත්‍රස්තයෝ මරාවී නගරය ආක්‍රමණය කරයි (Photo)

colombotoday

සත්වයින්ටත් කොවිඩ් එන්නතක්

colombotoday

සුවය ලබා සිටි කොරෝනා රෝගියෙකුට මාස 4කට පසු නැවත කොරෝනා වැළඳෙයි

colombotoday

හමාස් ප්‍රාණ ඇපයේ සිටි දෙදෙනෙක් නිදහස් කරයි

Admin