Colombo Today Local News

රිල්වාන්ට පුපුරණ ද්‍රව්‍ය සැපයු රාසික් රාසා TID යට

පාස්කු ප්‍රහාරය සම්බන්ධයෙන් රිමාන්ඩ් භාරයේ සිටින රාසික් රාසා නැමැත්තා සහරාන් හෂීම්ගේ සොහොයුරාට 2018 වසරේදී යම් පිපිරීමක් අත්හදා බැලීම සඳහා පුපුරණ ද්‍රව්‍ය සැපයූ බවට හෙළිවී තිබේ.

පොලිස් මාධ්‍ය ප්‍රකාශක, නියෝජ්‍ය පොලිස්පති අජිත් රෝහණ මහතා පවසා සිටියේ, ත්‍රස්ත ක්‍රියා විමර්ශන කොට්ඨාසය මඟින් සිදුකළ විමර්ශනයකින් අනතුරුව එම පුද්ගලයා විසින් පුපුරණ ද්‍රව්‍ය සැඟවීමට ද උදව් කර ඇතැයි අනාවරණය වු බවය.

රාසික් රාසා නැමැත්තා කාත්තාන්කුඩි ප්‍රදේශයේ පදිංචි 28 හැවිරිදි පුද්ගලයෙකි.

කල්මුණේ පොලීසිය විසින් අත්අඩංගුවට ගෙන සිටි රාසික් රාසා නැමැත්තා අධිකරණ නියෝගය මත අඟුණුකොළපැලැස්ස බන්ධනාගාරයේ රඳවා සිටි අයෙකි.

ඊයේ (29) දිනයේ දී ත්‍රස්ත ක්‍රියා විමර්ශන කොට්ඨාසයේ නිලධාරීන් විසින් අධිකරණයෙන් සිදුකළ ඉල්ලීමක් මත අදාළ සැකකරු නැවත රඳවා තබාගෙන ප්‍රශ්න කිරීම සඳහා ත්‍රස්ත ක්‍රියා විමර්ශන කොට්ඨාසයේ නිලධාරීන් භාරයට ගෙන තිබේ.

2018 වසරේ සිදුවු බවට පැවසෙන පිපිරීමෙන් තුවාල ලබා සිටි මොහොමඩ් රිල්වාන් යන පුද්ගලයා පාස්කු ප්‍රහාරයෙන් පසුව කල්මුණේ සයින්දමර්දු ප්‍රදේශයේ නිවසක සිදුකර ගත් පිපිරවීමෙන් ජීවිතක්ෂයට පත්විය.

Related posts

මරාගෙන මැරුණු ත්‍රස්තවාදීන් සමග ඇමති බදියුදීන්ගේ සමීප සබදකම් මෙන්න…

colombotoday

අයි.ඕ.සී. ඉන්ධන මිලත් සිපෙට්කෝ ඉන්ධන මිලට සම කරයි

Admin

රාජ්‍යසේවා කොමිෂන් සභාවට දෙරණ ලොක්කා දිලිත් ජයවීර පත්කිරීම : පාර්ලිමේන්තුවේ කතාකිරීම කතානායක වලක්වයි

colombotoday

පිබිදෙන පොළොන්නරුව කියා මෛත්‍රී කළේ සල්ලි හොරකම් කරන එකයි – රොෂාන් රණසිංහ

colombotoday

රනිල් එක්ක මහින්ද ආපහු එනවා

colombotoday

අතුරුදන් වූ කතරගම දේවාලයේ මහ කපුවා අත්අඩංගුවට

Admin