ආරක්ෂිත ක්‍රමවේද අනුගමනය නොකළහොත් තවත් සති දහයක කාලයක් තුළදී මෙරට ප්‍රධානතම කොවිඩ් ප්‍රභේදය බවට ඩෙල්ටා ප්‍රභේදය විය හැකි බව කොවිඩ් පාලන කටයුතු රාජ්‍ය ඇමැතිනී සුදර්ශනී ප්‍රනාන්දුපුල්ලේ පවසයි.
විශේෂඥ වෛද්‍යවරු ඇතුළු මහාචාර්ය නීලිකා මලවිගේ මෙම ප්‍රභේදය ව්‍යාප්ත විය හැකි බවට අනතුරු අඟවා ඇති බවද මාධ්‍යට අදහස් දක්වමින් ඇමැතිවරිය ප්‍රකාශ කළාය.
මේවන විට ඇල්ෆා ප්‍රභේදය ආසාදිත වීමෙන් වැඩි වශයෙන් මියගොස් තිබෙන්නේ වයස අවුරුදු 60ට වැඩි පුද්ගලයන්ය.
ඇල්ෆා ප්‍රභේදය ආසාදිත වීමෙන් ගර්භණී මව්වරු 12 දෙනකු මියගොස් ඇති බව පැවසූ ඇමැතිවරිය, තවමත් කොවිඩ් අවධානම පහව ගොස් නොමැති බවත් අලුත් කොවිඩ් සතුරෙකු සමාජයේ කැරකෙමින් සිටින බවත් පැවසුවාය.