යෝජිත නව ආණ්ඩුක්රම ව්‍යවස්ථාව පරාජය කිරීමට ශ්රී ලංකා නිදහස් පක්ෂයේ මන්ත‍්‍රීවරුන් පිරිසක් තීරණාත්මක මොහොතේ දී තමන් හා එක්වනු ඇතැයි ඒකාබද්ධ විපක්ෂය පවසයි.
එහි සාමාජික පාර්ලිමේන්තු මන්ත්‍රී බන්ධුල ගුණවර්ධන මහතා සදහන් කළේ නව ව්‍යවස්ථා කෙටුම්පත පාර්ලිමේන්තුව තුළදීම පරාජය කිරීමේ හැකියා පවතින බවයි.
නව ව්‍යවස්ථාවක් සම්පාදනය කිරීම සදහා පත්කල ව්‍යවස්ථා අනුකමිටු හයෙන් ඒකාබද්ධ විපක්ෂ සාමාජිකයන් ඉවත්වීමට තීරණය කර තිබෙනවා.
ඒ සම්බන්ධයෙන් වැඩිදුරටත් අදහස් දැක්වූ බන්ධුල ගුණවර්ධන මහතා,
ඊට ප්‍රතිචාර දක්වමින් ඔහු සඳහන් කළේ “අද වෙන කොට බොහොම පැහැදිළි වෙලා තියෙනවා වෙනත් න්‍යාය පත්‍රයකට අනුව කටයුතු සිදු වෙනවයි කියලා. ඉතින් අපිට ඒ ෆෙඩරල් ව්‍යවස්ථාවකට සම්බන්ධ වෙන්න බැහැ. අනුකමිටුවලින් ඉවත් වුණත් තව දුරටත් මෙහෙයුම් කමිටු සාමාජිකයන් රැඳී සිටිනවා. ඔවුන් හරහා ඉදිරියේදී සිදු වෙන දේ රටට දැනගන්න පුලුවන්.මේක පාර්ලිමේන්තුව තුළින්ම පරාජය කරන්න පුළුවන්. ශ්රී ලංකා නිහදස් පක්ෂය කිසිවිටෙකත් ෆෙඩරල් ක්‍රමයකට කැමතියි කියලා නැහැ. ඒ නිසා තීරණාත්මක මොහොතේදී ශ්‍රීලනිප සහය ලැබෙයි මෙය පරාජය කරන්න.” යනුවෙනි.