World

ඔලිම්පික් මැද ටෝකියෝ නුවර රෝහල් කොවිඩ් ආසාදිතයින්ගෙන් පිරි යයි

2020 ඔලිම්පික් උළෙල පැවැත්වෙන ජපානයේ ටෝකියෝ නුවර පිහිටි රෝහල් ආසාදිතයින්ගෙන් පිරීයමින් ඇතැයි විදෙස් වාර්තා පවසයි. එම වාර්තාවල දැක්වෙන්නේ ටෝකියෝ නුවරින් වාර්තා වන දෛනික කොරෝනා ආසාදිතයින්ගේ සංඛ්‍යාව ඉහළ යමින් ඇති බවයි.

එලෙස දෛනික ආසාදිතයින් ඉහළ යාම හේතුවෙන් ටෝකියෝ නුවර රෝහල්වල කටයුතු සඳහා දැඩි පීඩනයක් එල්ල වී ඇති බව ද වාර්තා වේ.

ඊයේ දිනයේදී පමණක් ටෝකියෝ නුවරින් කොරෝනා ආසාදිතයින් 3,177 දෙනෙකු හඳුනාගෙන තිබුණි. පවතින තත්ත්වය හමුවේ ටෝකියේ නුවර ආසන්න ප්‍රදේශ 03 කට හදිසි තත්ත්වයක් ප්‍රකාශයට පත් කරන්නැයි එම ප්‍රදේශවල ආණ්ඩුකාරවරුන් රජයෙන් ඉල්ලීමක් ද කර තිබේ.

ජපානය තුළ මෙලෙස කොරෝනා වෛරසයේ පැතිරීම වේගවත් වී තිබෙන්නේ 2020 ඔලිම්පික් උළෙල ටෝකියේ නුවර පැවැත්වෙමින් ඇති පසුබිමක් තුළයි. කොරෝනා පැතිරීම හේතුවෙන් ටෝකියෝවට මේවනවිටත් හදිසි තත්ත්වයක් ප්‍රකාශයට පත් කර තිබේ. ඔලිම්පික් උළෙලට සම්බන්ධ පුද්ගලයින් 169 දෙනෙකුට ද මේවනවිට කොරෝනා වෛරසය ආසාදනය වී ඇති බවයි වාර්තා වන්නේ. ඒ අතරට ක්‍රීඩක ක්‍රීඩිකාවන් පිරිසක් ද අයත්.

පවතින තත්ත්වය හමුවේ හැකිතාක් නිවෙස් තුළ රැඳී සිටින ලෙයසි ජපන් බලධාරීන් එරට වැසියන්ගෙන් ඉල්ලා සිටින්නේ. ඔලිම්පික් තරග නැරඹීමට අවශ්‍ය නම් රූපවාහිනිය ඔස්සේ තරග නරඹන ලෙස ද බලධාරීන් ජනතාවගෙන් ඉල්ලීමක් කළේය.

මේ අතර ඔලිම්පික් උළෙලේ ඊයේ දිනය නිමාවන විට පදක්කම් සටහනේ පෙරමුණ ගැනීමට ජපානය සමත් වූ තිබේ. ඒ රන් පදක්කම් 13 සමගයි. චීනය දෙවන ස්ථානයෙත්, අමෙරිකාව 03 වන ස්ථානයෙත් මේවන විට පසුවෙයි.

Related posts

97 හැවිරිදි ප්‍රවීණ දේශපාලඥයෙක් පාර්ලිමේන්තු අසුන රැකගන්න වෑයමක

colombotoday

එවරස්ට් කඳු මුදුනෙත් කොවිඩ්

colombotoday

ඉස්ලාම් සංක්‍රමණිකයන්ට පහර දෙන්න කළු ඇදගත් 100ක් ස්වීඩනයේ අගනුවරට රැස්වෙයි

colombotoday

ජර්මනිය සෞදි අරාබියට අවි ආයුධ සැපයීම නවත්වයි

colombotoday

කියුබාව දේශීයව නිපදවූ කොවිඩ් මර්දන එන්නතකට එරට ඖෂධ අධිකාරියේ අනුමැතිය

colombotoday

රුසියානු ගුවන් යානය දරුවන් 17ක් ඇතුළු මගින් 217ක් සමග සම්පුර්ණයෙන්ම විනාශයි

colombotoday