පසුගිය අයවැය ලේඛනයේ යෝජනාවකට අනුව රුපියල් මිලියන 25,000ක් ශ්‍රී ලංකා රේගුවට අහිමි කිරීම සම්බන්ධයෙන් මුදල් අමාත්‍ය රවී කරුණානායකට එරෙහිව ඒකාබද්ධ විපක්ෂයේ ‘‘ටොප් ටෙන්’’ යටතේ ආණ්ඩුව සිදුකරන දූෂණ වංචා පිළිබඳව 8 වන පැමිණිල්ල ලෙස අල්ලස් හෝ දූෂණ විමර්ශන කොමිසමට සහ අපරාධ පරීක්ෂණ දෙපාර්තමේන්තුවට ඊයේ (15) භාරදී තිබේ.
මීට පෙර ද, ‘‘ටොප් ටෙන්’’ යටතේ මුදල් අමාත්‍යවරයාට එරෙහිව ඒකාබද්ධ විපක්ෂය අල්ලස් කොමිසමට පැමිණිල්ලක් භාරදී ඇත.
මීට අමතරව අග්‍රාමාත්‍ය රනිල් වික්‍රමසිංහ, මහ බැංකුවේ හිටපු අධිපති අර්ජුන් මහේන්ද්‍රන්, අමාත්‍යවරුන් වන තලතා අතුකෝරාල, මලික් සමරවික්‍රම, කබීර් හෂීම් සහ පී.හැරිසන්ට එරෙහිව ඒකාබද්ධ විපක්ෂය අල්ලස් කොමිසමට සහ අපරාධ පරීක්ෂණ දෙපාර්තමේන්තුවට පැමිණිලි ඉදිරිපත් කර තිබෙනවා.