ලෝක ඡායාරූප ශිල්පීන්ගේ සිහිනයක් බඳු වූ wildlife photographer of the year 2021 තරගයේ ප්‍රදර්ශන මට්ටමට හා ජූරියේ විශේෂ පැසසුමට (Highly Commended) ලක්වීමට ශ්‍රී ලාංකේය ඡායාරූප ශිල්පිනියකට හා මෙරට ළාබාල ඡායාරූප ශිල්පියකුට මෙවර හැකියාව ලැබී තිබේ.
ඒ බුද්ධිනී ඩී. සොයිසා හා ගගන වික්‍රමසිංහ යන දෙදෙනාටයි.
බුද්ධිනී ඩී. සොයිසා මහත්මියගේ ඒ ‘A Great Swim’ නමින් පළ කරන ලද ඡායාරූපය හා ගඟන වික්‍රමසිංහගේ ‘Lockdown ’ නමින් පළ කරන ලද ඡායාරූපය මෙවර අංශ දෙකක් යටතේ ජූරියේ විශේෂ පැසසුමට ලක්ව තිබේ.
ලොව පුරා අතිදක්ෂ ඡායාරූප ශිල්පීන්ගේ ඡායාරූප 55,000ක් අතරින් මෙම ඡායාරූප යුගලය අවසන් කිහිපය අතරට පැමිණ තිබෙන බවයි වාර්තා වන්නේ.
මෙහි තවත් විශේෂත්වය වන්නේ ගගන වයස අවුරුදු 11ක කුඩා දරුවකු වීමයි.
