කොවිඩ් එන්නත් මාත්‍රා දෙකම එන්නත් කරගෙන සිටි සිවුදරු පියෙකු කොවිඩ් නිව්මෝනියාවෙන් මියගොස් ඇති බව ගාල්ල කරාපිටිය ශික්ෂණ රෝහලේදී පැවති පශ්චාත් මරණ පරීක්ෂණයේදී අනාවරණය වී ඇත.
මෙලෙස මියගොස් ඇත්තේ අහංගම ගුරුල්ලවල ප්‍රදේශයේ පදිංචි 73 හැවිරිදි වියේ පසුවන අයෙකි. මෙම පුද්ගලයා ආතරයිටිස් රෝගයෙන් පෙළෙනු අතර කිහිලිකරු ආධාරයෙන් ගමන්කොට ඇත. මැයි මස 29 වැනිදින මෙම පුද්ගලයා සයිනොපාම් එන්නතේ පළමු මාත්‍රාව ලබාගෙන ඇති අතර දෙවැනි මාත්‍රාව ජුනිමස 28 වැනිදින ලබාගෙන ඇත.
පසුගිය 23 වැනිදින මෙම පුද්ගලයා සෙම් අමාරුව හේතුවෙන් ගාල්ල කරාපිටිය ශික්ෂණ රෝහලට ඇතුළත් කොට ඇති අතර රෝහලේදී කරණු ලැබූ පී.සී.ආර්. පරීක්ෂණයේදී මොහුට කොවිඩ් වෛරසය ආසාදනය වී ඇති බවට තහවුරු වී ඇත. රෝහලේ ප්‍රතිකාර ලබමින් සිටියදී 25 වැනිදින මියගොස් ඇත.