ගම්පහ දිස්ත්‍රික් පාර්ලිමේන්තු මන්ත්‍රී අතුරලියේ රතන හිමියන් ඉතා නුදුරේදී දේශපලාන තීන්දුවක් ගැනීමට සැරසෙන බව උන්වහන්සේට සමීප ආරංචි පවසයි.
යහපාලන ආණ්ඩුව කරන කියන දේවල් නිසා තමන්වහන්සේට රටේ ජනතාවට පමණක් නොව, දායකකාරකාදීන්ට පවා මුහුණදීමට නොහැකි තත්ත්වයකට පත්ව සිටින බව අතුරලියේ රතන හිමියන් පවසා ඇති බව දැනගන්නට ඇත. දේශපාලනයෙන් විශ්‍රාම ගැනීමට කාලය එළැඹ ඇති බව හැඟී යන බවද උන්වහන්සේ පවසති.
මේ අතර එක්සත් ජනතා නිදහස් සන්ධානයේ කළුතර දිස්ත්‍රික් පාර්ලිමේන්තු මන්ත්‍රි විදුර වික්‍රමනායක මහතා ලබන 23දාට හොරණ ආසන බල මණ්ඩලය කැඳවා ඇති අතර, එහිදී තමා විසින් ගනු ලබන දේශපාලන තීන්දුවක් පිළිබඳ පාක්ෂිකයන් දැනුවත් කර ඔවුන්ගේ අදහස් විමසීමට අපේක්ෂා කරන බවද පැවසේ.