උතුරු පළාත් ප්‍රධාන ඇමති සී.වී. විග්නේෂ්වරන්ගේ ප්‍රධානත්වයෙන් යුතු “දෙමළ මහජන සභාව“ විසින් පවත්වන “එළුග තමිල්“ රැළියේ දෙවන අදියර මඩකලපුවේදී පැවැත්වීමට සූදානම් වනවා. ඒ සදහා එක්වල ලෙස දන්වමින් පසුගිය 30වනදා මඩකලපුව දිස්ත්‍රික්කය පුරා අත් පත්‍රිකා බෙදාහැර ඇතැයි දෙමළ වෙබ් අඩවි වාර්තා කර තිබෙනවා.
ජනවාරි 21 වන දින මඩකපුවේදී පැවැත්වීමට නියමත බව සදහන් කර බෙදාහැර ඇති එම පත්‍රිකාවල “ඒකාබද්ධ කරන උතුරු නැගෙනහිර දෙමළ ජනතාවගේ මාතෘ භූමිය බව අවධාරණය කිරීම, යුද අපරාධ සහ දෙමළ ජාති ඝාතනය සම්බන්ධයෙන් ජාත්‍යන්තර පරීක්‍ෂණයක් පැවැත්විය යුතු බව ජාත්‍යන්තර ප්‍රජාවට අවධාරණය කිරීම, ස්වාධිපත්‍ය හා ස්වයංනිර්ණ අයිතිය යනාදීය පදනම් කරගත් ෆෙඩරල් විසඳුමක් අවශ්‍ය බව අවධාරණය කිරීම, දෙමළ ජනතාවගේ මාතෘභුමියේ සැළසුම් සහගතව සිදුකරන සිංහල ජනතාව පදිංචි කිරීම් වැළැක්වීම යනාදීය ඇතුළු දෙමළ ජනතාවගේ අයිතීන් සඳහා වන බොහෝ ඉල්ලීම් මූලික කරගෙන මෙම පෙළපාලිය පැවැත්වීමට නියමිතය” යනුවෙන් සඳහන් කර ඇත.
මූලාශ්‍ර ටැමිල්වින්