Colombo Today Local News

අලි සබ්රිගේ අමාත්‍යංශයෙන් උතුරු නැගෙනහිර අතුරුදහන් වූවන්ගේ ඥාතීන්ට නීති ආධාර

උතුරු නැගෙනහිර පළාත් වල අතුරුදහන් වූවන් පිළිබඳව සොයාබැලීමේ නීති ආධාර ලබාදීමේ ජංගම සේවාව හා දැනුවත් කිරීමේ වැඩසටහනක් වවුනියාවෙන් ආරම්භ වෙයි.

අතුරුදහන් වූවන් පිළිබඳව සොයාබැලීමේ නීති ආධාර ලබාදීමේ උතුරු පළාත් ජංගම සේවාව හා දැනුවත් කිරීමේ ආරම්භ වැඩසටහන වවුනියාව දිස්ත්‍රික් ලේකම් කාර්යාලයෙන් ඊයේ(26)දින ආරම්භ විණි.

යුද්ධය හේතුවෙන් හා වෙනත් හේතූන් මත උතුරු නැගෙනහිර ප්‍රදේශවල අතුරුදහන් වූවන් පිළීබඳව සොයාබැලීමේ හා ඔවුන්ගේ ඥාතීන් වෙත නීති ආධාර ලබා දීමේ ජංගම සේවාව අධිකරණ අමාත්‍යාංශයේ මෙහෙයවීමෙන් වවුනියාව දිස්ත්‍රික් ලේකම් කාර්යාල පරිශ්‍රෙය්දී උදෑසන ආරම්භ විය.

පාසල් දරුවන් වෙනුවෙන්ද දැනුම්වත් කිරීමේ වැඩසටහන් වවුනියාව රම්භකුලම බාලිකා විද්‍යාලයේදී පැවැත්විණි.

“යුක්තියට ප්‍රවේශයක්“ ලෙස වැඩසටහන නම් කොට තිබේ. ඒ සඳහා ශ්‍රී ලංකා නීති ආධාර කොමිෂන් සභාව, ප්‍රජා විශෝධන දපාර්තමේන්තුව, අතුරුදහන් වූ තැනැත්තන් පිළිබඳ කාර්යාලය හා අපරාධයක වින්දිතයින් හා සාක්ෂිකරුවන් ආරක්ෂා කිරීම සඳහා වූ ජාතික අධිකරිය ඇතුළු ආයතන හා දෙපාර්තමේන්තු අටක සහභාගිත්වයෙන් අධිකරණ අමාත්‍යංශය දායකත්වය දක්වා තිබේ.

මෙතෙක් සාධාරණ විසඳුමක් නොලැබුණ පිරිස් වෙත සාධාරණය ඉටුකර ලීම සඳහා අවකාශය සැලසීම වැඩසටහනේ අරමුණ වී තිබේ.

එස්.එම්.ඩී.චන්ද්‍රනාත් බංඩාර

Related posts

පොහොට්ටුව ගැන ශ්‍රීලනිපයේ අවසන් තීන්දුව 05දා

colombotoday

මරාගෙන මැරෙන බෝම්බකරුවන්ගේ ආත්මයන් දෙවියන් භාර ගනිත්වා – ඉස්ලාම් රාජ්‍ය ත්‍රස්තයෝ සතුට සමරති…

colombotoday

එජාපෙ අපේක්ෂකයා කෘත්‍යාධිකාරී මණ්ඩලයෙන් තෝරා ගැනිමට චම්පිකගේ විරෝධය

colombotoday

ඔස්ට්‍රේලියාවට පනින් ඉරණවිල සැගවසිටි 29ක් මාට්ටු

colombotoday

කොළඹ, ගම්පහ සහ කළුතර දිස්ත්‍රික්ක සඳහා ඇඳිරි නීතිය දිගටම. අනෙකුත් පළාත් සඳහා පැය 6කට ඉවත් කෙරේ

colombotoday

75 වන ජාතික නිදහස් සැමරුමට සමරු මුද්දර හා කාසියක්

Admin