යෝජිත නව ආණ්ඩුක්‍රම ව්‍යවස්ථාවෙන් 13 වන සංශෝධනය පරිදි පළාත් සභාවලට ඉඩම්, පොලිස් බලතල ලබා දීම ඇතුළු බෙදුම්වාදී යෝජනාවලට එරෙහි වීමට ජාතික හෙළ උරුමය තීරණය කර තිබෙනවා. ඒ අනුව දෙසැම්බර් 30 වනදා එම පක්ෂය කොළඹදී සමුළුවක් පැවැත්වීමට සූදානම් වන බව වාර්තා වනවා.
විමල් වීරවංශ, උදය ගම්මන්පිල, දිනේෂ් ගුණවර්ධන ඇතුළු ජාතිකවාදී දේශපාලන පිළ නියෝජනය කරන දේශපාලකයන්ටත්, ජාතික තලයේ ක්‍රියාකාරී භික්ෂූන්වහන්සේලාටත්, බොදු බල සේනා ඇතුළු සෙසු ජාතික සංවිධානවලටත් එම සමුළුව සදහා සභාගීවන ලෙස ඇරයුම් කරමින් ලිපි යොමු කර ඇති බවයි ජාතික හෙළ උරුමයේ ආරංචි මාර්ග සදහන් කළේ.
බෙදුම්වාදී බලවේගවල උවමනාව මත ගෙන ඒමට නියමිත නව ව්‍යස්ථාව පරාජය කිරීම සදහා චම්පික රණවක, අතුරලියේ රතන හිමි, විමල් වීරවංශ, උදය ගම්මන්පිල, දිනේෂ් ගුණවර්ධන ඇතුළු ජාතික බලවේග නියෝජනය කළ සහ කරන සියළු දෙනා එක්විය යුතු යැයි ගලගොඩඅත්තේ ඤාණසාර හිමියන් පසුගියදා පැවති මාධ්‍ය හමුවකදී ඉල්ලීමක් කර තිබුණා.