ශ්‍රී ලංකා මහ බැංකුවේ බැදුම්කර නිකුතුව හරහා මහා පරිමාන වංචා සිදුවන බව සමාජවාදී ජනතා පෙරමුණ පවසයි.
අද පැවැති මාධ්‍ය හමුවකදී හිටපු පාර්ලිමේන්තු මන්ත්‍රී ඩිව් ගුණසේකර මහතා ප්‍රකාශ කළේ ඉන්ධන මිල පහළයාමෙන් ඉතිරි වූ මුදල් රවී කරුණානායක අමාත්‍යවරයා විසින් සුඛෝපබෝගී භාණ්ඩ ගෙන්වීමට යොදාගෙන ඇති බවයි.
මේ අතර සමාගම් පනතේ බලතල වැරදි ලෙස භාවිත කරමින් සුළු හා මධ්‍ය පරිමාන කර්මාන්තකරුවන් පීඩාවට පත් කරමින් ලියාපදිංචි ගාස්තු ඉහළ නැංවීම සම්බන්ධයෙන් මුදල් අමාත්‍ය රවී කරුණානායක මහතාට එරෙහිව නීතිමය ක්‍රියාමාර්ග ගන්නා බව පාර්ලිමේන්තු මන්ත්‍රී සිසිර ජයකොඩි මහතා ප්‍රකාශ කළේය.