සිරස රූපවාහිනියේ නාලිකා ප්‍රධානී තනතුරට සුසාර ඩිනාල් එක්කර ගැනීමට සැරසෙන බව සිරස රූපවාහිනී අභ්‍යන්තර ආරංචි මාර්ගවලින් වාර්තා වේ.
ඔහුට අදාළ තනතුර ලබාදීම ඉලක්ක කර පසුගියදා පැවැති 2016 Junior Chamber International Sri Lanka සම්මාන උළෙලේ දී ශ්‍රී ලාංකීය මාධ්‍ය ශේෂ්ත්‍රයට මහඟු සේවයක් කල විශිෂ්ඨම තරුණයා (Outstanding Young Person of Sri Lanka Contribute to Media) සම්මානය ලබාදුන් බවටද රාවයක් පවතී.
කෙසේවුවද, සුසාර අදාළ සම්මානය දිනාගනු ලැබුවේ සිවුවසරක කාලයක් කිසිදු මාධ්‍ය කාරණාවකට සම්බන්ධ නොවී සිටි අවස්ථාවකදීය.
පසුගියවර මේ සම්මානය දිනාගෙන ඇත්තේ එම්.ටී.වී. නාලිකාවේ ශෙවාන් ඩැනියල්ස් විසින් බවද පැවසේ.
සුසාර සිරස නාලිකා ප්‍රධානියාව සිටි සමයේදී නව සංකල්ප හා වැඩසටහන් ලෙස සිරසට හඳුන්වාදුන් සිරස ලක්ෂපති, සිරස කුමරිය, සිරස සුපර්ස්ටාර්, සුභාසිරි, මංගල සිහින හා සිරස වෙසක් කලාපය ජනප්‍රිය වැඩසටහන් බවට පත් විය.
ඔහු වත්මන් ජනපති මෛත්‍රීපාල සිරිසේන මහතා සමඟද කිට්ටුවෙන් කටයුතු කරන්නෙකු බවද පැවසේ.
මේවන විට සිරස රූපවාහිනියේ නාලිකා ප්‍රධානියා ලෙස කටයුතු කරනු ලබන්නේ චන්දන සූරියබණ්ඩාර මහතාය.
– කැළුම් ශිවන්ත