World

ලෝක බලවතාගෙන්, ජනපති පුටින්ට අනතුරු ඇගවීමක්

අමෙරිකානු ජනාධිපති ජෝ බයිඩන් රුසියානු ජනාධිපති පුටින් වෙත අනතුරු ඇඟවීමක් සිදුකර තිබේ.

මාධ්‍යවෙත අදහස් දක්වමින් ඇමෙරිකානු ජනාධිපතිවරයා පවසා ඇත්තේ රුසියාව විසින් යුක්රේනය ආක්‍රමණය කළහොත් එය දෙවන ලෝක යුද්දයෙන් පසු සිදුවන විශාලතම ආක්‍රමණය බවය.

එවැනි ආක්‍රමණයක් සිදුවුවහොත් රුසියානු ජනපතිවරයා වෙත පෞද්ගලික සම්බාධක පැනවීමට සිදුවිය හැකි බවද ඇමෙරිකානු ජනපතිවරයා ප්‍රකාශ කර ඇත.

මේ අතර යුක්‍රේන රජය මෙහෙයවීම සඳහා මොස්කව් හිතවාදී පාලකයෙකු ස්ථාපනය කිරීමේ කුමන්ත්‍රණයක් පිළිබඳව බ්‍රිතාන්‍ය මීට පෙර අනතුරු ඇඟවීමක් සිදුකරනු ලැබීය.

හිටපු යුක්‍රේන පාර්ලිමේන්තු මන්ත්‍රී යෙව්න් මුරායෙව් මේ සඳහා යොදාගැනීමට රුසියානු ජනාධිපති ව්ලැද්මීර් පුටින් පියවර ගනිමින් සිටින බව බ්‍රිතාන්‍ය විදේශ ලේකම්වරයා ප්‍රකාශ කර තිබේ.

රුසියාව, ආක්‍රමණශීලී සහ වැරදි තොරතුරු මත පදනම් වූ ක්‍රියා අවසන් කර රාජ්‍ය තාන්ත්‍රික මාවතක් අනුගමනය කළ යුතු බව බ්‍රිතාන්‍යය විදේශ ලේකම්වරයා නිවේදනයක් නිකුත් කරමින් පෙන්වා දී ඇත.

යුක්‍රේනයේ දේශසීමා ආසන්නයට හමුදා භටයන් ලක්ෂයක් ගෙන ගොස් ඇති නමුත් තමන් ආක්‍රමණයක් සැලසුම් කරන බව රුසියාව ප්‍රතික්ෂේප කර තිබේ.

Related posts

පාර්ලිමේන්තුවක් අසල මරාගෙන මැරෙන බෝම්බ ප්‍රහාරයක්

colombotoday

බ්‍රසීලයේ අනතුරකින් ජීවිත 25ක් අහිමි වෙයි

Admin

Whatsapp සංවාද සුරකින්න “ChatLock” හඳුන්වා දෙයි..

Admin

ජම්මු නගරයේ ව්‍යාපාරිකයෙක් සඳෙන් ඉඩමක් මිලදී ගනියි

Admin

තාවකාලික සටන් විරාමය දීර්ඝ කෙරේ…

Admin

ISIS කාර් බෝම්බ ප්‍රහාරයකින් සිරියාවේ 60 ක් මරුට – 80 ක් අසාධ්‍ය තත්වයෙන් රෝහලේ

colombotoday