කම්කරු දෙපාර්තමේන්තුවේ ප්‍රධාන කාර්යාලය සහ සියලු ම ප්‍රාදේශීය කාර්යාල හෙට (මැයි 3) සිට සතියේ සෑම සිකුරාදා දිනක ම වසා තැබෙන බව කම්කරු කොමසාරිස් ජනරාල් බී.කේ. ප්‍රභාත් චන්ද්‍රකීර්ති මහතා පවසයි.
පවතින සම්පත් හිඟය මත රාජ්‍ය වියදම අවම කිරීමට රාජ්‍ය ආයතනවල කාර්ය මණ්ඩලය කැඳවීම සීමා කිරීම සඳහා නිකුත් කළ රාජ්‍ය පරිපාලන චක්‍රලේඛය අනුව මෙම පියවර ගෙන ඇති බව නිවේදනයක් නිකුත් කරමින් රජයේ ප්‍රවෘත්ති දෙපාර්තමේන්තුව සඳහන් කර තිබේ.
එබැවින් සේවාලාභීන් සේවා ලබා ගැනීම සඳහා සිකුරාදා ප්‍රධාන කාර්යාලය හෝ ප්‍රාදේශීය කාර්යාල වෙත පැමිණීමෙන් වැළකී සිටින ලෙස අධ්‍යක්ෂ ජනරාල්වරයා මහ ජනතාවගෙන් ඉල්ලා සිටියි.