පසුගිය 03 වනදා බෞද්ධ සංවිධාන කිහිපයක පිරිසකට මඩකලපුවට ඇතුළු තහනම් කළේ සාමය ආරක්ෂා කිරීම සදහා යැයි බුද්ධ ශාසන හා අධිකරණ අමාත්‍ය විජේදාස රාජපක්ෂ මහතා පවසයි.
ඇමතිවරයා මේ බව සදහන් කළේ ඊයේ (05) කොළඹදී පැවති මාධ්‍ය හමුවකදීයි.
බොදු බල සේනා සහ තවත් සංවිධාන කිහිපයක් එකමුතුව පිහිටුවාගෙන ඇති “ශාසනාරක්ෂක සභාවේ“ පිරිසක් මඩකලපුව මංගලාරාමයේ ආගමික වැඩසටහනක් සදහා සහභාගී වීමට යමින් සිටියදී පොලීසිය විසින් වැලිකන්ද ප්‍රදේශයෙන්දී ඔවුන්ගේ ගමන අවහිර කරනු ලැබුවා.
අදාල සංචාරය පිළිබදව සමාජ මාද්‍ය හරහා දීර්ඝ ලෙස කරුණු වාර්තා වූ බවත්, අදාළ පිරිසට පිරිසට, බෞද්ධ නොවන උදවිය විසින් ප්‍රහාර එල්ල කිරීමට සූදානමක් පැවති බව වාර්තාවූ බැවින් සාමය ආරක්ෂා කිරීම වෙනුවෙන් ඔවුන්ට මඩකලපුවට ඇතුළුවීම තහනම් කිරීමට රජය කටයුතු කල බවයි ඇමතිවරයා කියා සිටියේ.